 |
| 謝謝你啊！大象！ |
泰國的其中一個活動，名字好刺激，就係叫「野生叢林探險」。即係咩嚟呢？其實就係帶你去大象園或者橡膠園，入面再分為幾種活動，例如：騎大象、猴子表演、DIY泰式小食、割橡膠示範等等。你可以自由揀3、4、5種項目，當然，項目越多，收費亦越貴。
今次參加本地團，我地就鎖定只騎大象，因為其他活動對小朋友嚟講興趣唔大。再者如果天氣唔好，入到叢林就幾狼狽下，於是瞳瞳爸爸決定到布吉當地才即場報名Join Local tour本地團。
各位爸爸媽媽唔駛擔心，因為布吉街上有好多呢類型的local tour小攤檔，數量多過便利店，小攤檔好似一個counter，檯上舖滿密麻麻的旅遊小冊子。有時候更會有「我會說中文」的字條出嚟，吸引中國遊客。
在「做功課」期間，發現呢種tout本地團收費差距都幾大，可以由「2300b 1個人」，到「1000b 3個人」都有。我自己膽粗粗，就去問幾個呢D counter格下價，正正就係講價講到「1000b 3個人」的一間（可見競爭好激烈呀！），試一試啦～ 就算你呃我，無人嚟接我，我都係蝕1000b 啫。
3個人衝到酒店大堂，職員就問我地係咪book左騎大象，原來司機已經到左，今次接載我地既係tuk tuk 篤篤車，真係連當地特色交通都體驗埋，之後佢再去兩間酒店接載兩個party之後，就向大象園出發，今次近好多，車程只係約15分鐘。
 |
| 當地特色交通：tuk tuk 篤篤車 |
 |
| 真係頭都未乾呀～ |
等左真係半小時，就叫我地上大象（佢地叫酒店名稱的，所以要好小心留意）。我地一家三口在象伕的指示下，就坐上象背上的籐椅啦！起步了，搖搖擺擺，一路向山上出發，山路都幾直幾斜下！都有Ｄ驚比佢拋左落去，哈～半路中途大象小便，即刻有條小河出現。XP
原來行到上山的一個位置，可以俯瞰到芭東海灘的景色，象伕由象頭跳下來，替我們影相，我們也識趣地給貼士打賞，大象自己擺好多POST，瞳瞳也餵甘蔗給牠，辛苦哂！
 |
| 大家就係度等騎象，人好多啊！ |
 |
| 象鼻好靈活啊～ |
 |
| 瞳瞳餵大象食甘蔗 |
 |
| 上到山頂，俯瞰芭東海灣 |
騎完大象，就回到起點，然後再等工作人員安排坐車回酒店。今次的體驗對瞳瞳來說很好，生命教育又上一課。
有用資料:
－ 整個行程大家預兩個小時左右
－ 報名時是可以講價的
－ 預備防蚊措施
－ 因為騎大象很「搖」，建議坐30分鐘已經好足夠！
－ 布吉街上有好多呢類型的旅遊counter，多過便利店（又或者便利店門口梗有一間）
延伸閱讀：
2016 七日六夜泰國布吉親子遊攻略 - 準備篇
2016 七日六夜泰國布吉親子遊攻略 - 「Man哥」安排接送及活動篇
2016 七日六夜泰國布吉親子遊攻略 - 住宿篇 - 活在天堂日與夜的「Paresa Resort Phuket」
2016 七日六夜泰國布吉親子遊攻略 - 住宿篇 - 擁有全芭東最大的酒店泳池「Novotel Phuket Vintage Park」
2016 七日六夜泰國布吉親子遊攻略 - 玩樂篇 - 蛋島半日搶灘風雨團
2016 七日六夜泰國布吉親子遊攻略 - 玩樂篇 - 騎大象之旅
2016 七日六夜泰國布吉親子遊攻略 - 飲食篇
2016 七日六夜泰國布吉親子遊攻略 - 行街購物篇
2016 七日六夜泰國布吉親子遊攻略 - SO THAI SPA
你好, 我地黎緊都去布吉3天, 因為時間好趕, 也只想騎大象,不能到芭東格價, 請問你有冇呢間AGENT 聯絡資料比到我, 上網只係見到大象, 表演一天團
回覆刪除DEAR JAN,
刪除你好JAN JAN!對不起，我也沒有這間的資料，不過我就是在便利店門外的旅游COUNTER，放心，非常多，如果你只要騎大象的行程，就向他表明就可以，因為開於大象的行程非常多，有的仲會加上猴子表演、割橡膠、做泰式沙律等環節，但你記住大約1000-1500B共3人就已經好合理。(只有騎大象環節)
放心，很易處理，玩得開心D ^^
瞳瞳爸爸