計劃今次行程,瞳瞳爸爸就好想試下「Infinity Pool 無邊泳池」,感覺好靚好舒服,二來夏天放暑假,梗係要玩下水。不過一般有Infinity Pool設施既都以「Villa 度假村/別墅」為主,而Villa私隱度較高,再加上以迷人秘境靚風景為賣點,所以都住得遠離繁囂一點!而活動同餐飲等等都會留左Villa入面,足不出戶都可以解決一日所需!正所謂「人一世,物一世」,久唔久豪一次獎勵下自己,帶埋屋企人嚟玩,咁就無憾啦!
做左好耐功課,最後揀左位於Kamala的 「Paresa Resorts Phuket」,「Paresa」一名在泰文的意思就係「天堂中的天堂 Heaven of All Heavens」。揀「Paresa Resorts Phuket」既主要原因係佢位於布吉機場同芭東區之間,順哂我地既路線;二來係佢既設計特色,每個房間都有自己既小泳池、酒店亦有個公眾 Infinity Pool、而且建於海邊懸崖之上,嘩!懸崖呀!好似好刺激咁;三來就係服務,網上評價不錯,一於去試下!
![](https://blogger.googleusercontent.com/img/b/R29vZ2xl/AVvXsEhe4vrBEt6w1LPRPdb6kevXVAcLWkCFVvGSP4lCe7Wg_w6xy4_snpDWTOE4ZnTr1VbfdtH042NJBHMXN96plmAmVipxRiD5MWaurZhs37ZWxqFvvy_n0WMS4cQqC2Bb_qCSPwXdzt4YsLxR/s640/IMG_4717.JPG) |
Paresa 的 Infinity Pool |
今次一試,終身難忘,正!各位有機會到布吉,不妨花多少少錢,至少都豪一晚,咁就真係嘆世界啦~
由布吉機場去Paresa,沿途由大路轉小路,大約45分鐘車程,我地就到達Paresa,一抵埗,已經有職員等候,之後帶我地到大堂check in,同時間其他職員就幫我地處理行李,係度提一提先,在Paresa既職員都統稱做「Angel」,如果你有咩需要或者要求,都可以向佢地提出。
之前講過「Paresa」一名,泰文的意思就係「天堂中的天堂」,其實佢有滲入左少少佛教思想,在一間舒適、寧靜的狀態下,人就可以放輕鬆,所以大堂都播緊一d佛教的輕音樂,同時間Angel為我地奉上Welcome drink同冰凍毛巾,仲比我地選擇當晚用咩香味既肥皂,三選二,我地揀左Jasmine 及 Coconut。
![](https://blogger.googleusercontent.com/img/b/R29vZ2xl/AVvXsEhIKYE7a1Q0HOoEQ0vkoTBduXhvLnIXN0QM2cVpJmQ1XWUaYFXK7y8f2IGN_onABB_YCvWdgMOmeIJ05gRjPMA5YIYo83DXUzLOlHCIe8IhxPGH4-YNdFFws-jZDKgLBo8UBZtKWwWprsor/s400/20160731_130023.jpg) |
當晚用既肥皂,三選二,我地揀左Jasmine 及 Coconut |
房間準備好,由身穿白色制服的Angel帶我地去房間,今次接待我地既Angel叫「PANG」,臉上常常掛住笑瞼,好快就和瞳瞳熟稔同牽手,我們離開大堂,會經過有條長走廊,盡頭係一道緊閉的大門,門前有一個大銅鑼,Angel就叫我地敲下佢,正式歡迎我地到來。
一推開大門,原來係一片草坪,對出就係「Andaman Sea 安達曼海」,景色非常開揚,完全令人耳目一新,好似進入「天堂」一樣!Angel PANG話呢個地方平時係比人搞Wedding Party 結婚派對之用,而多數新人會揀日落時份係度結婚,對住夕陽"Say I do",夠哂浪漫!
在草坪旁邊有升降機,我地就落一層,轉右就會到達Paresa的餐廳-「Diavolo」,呢間餐廳好重要,係我地今日既午餐、晚餐同第二天早餐的地方。Angel PANG已經安排好高爾夫球車接我地去今晚住的房。Paresa 地方好大,而且亦沿懸崖邊興建,所以坐高爾夫球車在上上落落既斜路就比較舒適,如果你係房間入面,同一道理,打電話去Reception前台book車,而你就留在房中,負責揸車的Angel一到埗,佢就會叫你敲門叫你出黎上車架啦,好方便。
![](https://blogger.googleusercontent.com/img/b/R29vZ2xl/AVvXsEiUJhjqzKODyv6mfXj1xrjIuHBWt-TZ1dRmvuoc-IkF9dIEKvPSNUWP5A9RLvcd64b5vNdPhNfTGwY1PYyg2ebIEh4LzkE32Kh4KDJ7Hv3c4Pz_JavaOKQC8JRfn_G8QyhBgbRKWBmRQBFk/s400/IMG_4577.JPG) |
客人要坐高爾夫球車穿梭酒店房間,唔駛點等,一book就有車 |
今次我地揀左「Ocean Pool Suite」(前稱叫Aqua Pool Suite),其實Paresa有唔同類型的房間適合唔同的朋友,大家不妨參考下:http://www.paresaresorts.com/accommodation/
例如當中有間Spa Pool Suite,在泳池中間有個向海的雲石浴缸,勁適合情侶;另外仲有3、4、6床不同的配搭,共用一個私人泳池,適合大夥人的家庭,一齊玩之餘又有自己私人空間。
講返我地間房,一開門,「嘩」一聲!房間非常豪華,以泰國南部風格設計,出面有個私人長泳池,係區內少有自己房間私人泳池都可以有Infinity Pool感覺,大家一齊入屋黎睇下啦!
![](https://blogger.googleusercontent.com/img/b/R29vZ2xl/AVvXsEivTM0211Q9Wn4rCcAxZgNX6ghx8haUpreQANlzvJroHrstaA9QpKzM0gyuIk0zelDhBeZ_f7HqaTAjJCi499aqDaSoJI1LomIcdxQKE8TgLa7OoPpbLMAPVnLYpqMNpsDIy5k8p3ZXYoe2/s640/20160731_131214.jpg) |
Angel PANG好客氣,幫我地孭起背囊,仲拖住瞳瞳入房,呢度就係我地房間的門口! |
![](https://blogger.googleusercontent.com/img/b/R29vZ2xl/AVvXsEhBw0J2Tl4uPXR7bXNhgn54Ie4mEsvjMVaYQZnDWxem88-CSDANKhQI2Ub5GdbAWRdzkrkAy3Tb1-Z2yxWdFKG73_HX29KElAhyphenhyphenuO7WkJcB-NjX8FhijW8ilZMC7pvYp9vRSyqfcY7r9baZ/s640/20160731_145048.jpg) |
KING SIZE DOUBLE BED,仲要對住出面靚靚海景! |
![](https://blogger.googleusercontent.com/img/b/R29vZ2xl/AVvXsEjWHO5slc-k02CVcPqhrjATFtLVAy6BtySboHsQobgjhts0xo99_hEsJz-tDCZ_vGvZtsA-AYG4kMSZN368K0UimWU4OU-fz6-ELtY0GIJBX-udkBKj1zlPRluTz6I0Io4NUtaBs4diLAgA/s640/IMG_4647.JPG) |
在上圖主人床的對面,就係呢張梳化,今晚我地三人入住,Villa特別為瞳瞳把梳化改成一張單人床,好貼心! |
![](https://blogger.googleusercontent.com/img/b/R29vZ2xl/AVvXsEjjuf1OcLowhOilTH1BSZwjVOc6YoNYOwOLGappPr8UkeGJYwRGbClVxrHt6uYkvw1qiENOdGdanJvkmRBkGXpgRWjse-l6qEogLCRXyml8GmNG5LOPM2vbYmmDNzlbFVoJMlivpjH021jo/s640/20160801_121055.jpg) |
房內亦提供的咖啡機,呢部係整Espresso既專家來的!阿拉伯人對咖啡的要求很高的,而Villa 提供的正是阿拉伯咖啡,十分欣賞當中有不含咖啡因的咖啡,可以讓喜歡飲咖啡又怕睡不著的遊客享受咖啡的迷人處~ |
|
|
|
![](https://blogger.googleusercontent.com/img/b/R29vZ2xl/AVvXsEiwK7Vupkd__CNnKsRVo7RpDP7MpSsTSvHtD1VGEDjjDiYWfuKHv6JB11F97koDvuM-wJrat1W145ntB2DXMd-R6SFVAByHOB8bczwcPEp5OXb8OgxvubfVfdxSPwz5Hgz3MwFGHvlmUENf/s640/20160731_145155.jpg) |
對出露台外邊有檯和椅的休閒區,仲有兩張可以享受海風同曬太陽的床。
![](https://blogger.googleusercontent.com/img/b/R29vZ2xl/AVvXsEhSXJ6E7elpXQ_9GIvDXHZYgul8zK8qkJ5DTqAoLyUh8FsC74zW8jT0ZAXzsJmwCNG9cUXGxuBDxkPrBpA2TslevtEJaMw7zkef8O0_rwEXM8cYnWawPkRYcFv_B9JmtFXtARZU11opfURy/s640/IMG_4631.JPG) |
之後到洗手間同浴室:wow!洗手盆左右分別有兩個,大家唔駛爭啦! |
|
![](https://blogger.googleusercontent.com/img/b/R29vZ2xl/AVvXsEgcXLXMfa2tNZQvRG6-J4xAzdPaLO2sRuy0kakjG4VtUlU0GrTXmfpZzmAQo9NWikube49J6Zpm6Kl3ldi76KSFZXX8im8Df7F6JZWQ-QNHLo1Y5fCs1lkHfWv0TyhasNrUYHOGFYOYLQGl/s400/IMG_4632.JPG) |
個人護理用品仲細心到分成「FOR HER」同「FOR HIM」 |
![](https://blogger.googleusercontent.com/img/b/R29vZ2xl/AVvXsEgOwOyCGTKYePcMNgEbk2TjLmdMLAVsIaxOO6KxmrJqmFqhXQgJoshU1AohL7rU4IuS8r9hjiLMArdJnvoGyQAvD6f-2zxJG__lPll0-bpJ0Xc6rVKjV-LjtcfzNPIl-VFVQhFojTzHhg53/s400/IMG_4633.JPG) |
呢套係我既!=) |
![](https://blogger.googleusercontent.com/img/b/R29vZ2xl/AVvXsEiw5bMNnD65mTFVDhSQhmrs_be6fCN1tLUgtxsvG2qnRsnYhDI5cQUGo7uIA0S0TVAotJ8vCA3augXKQoLh0dTy3XAP6kFiosFZC6AkkLzt1IVOniBpdmvqHbPfKDf-nx3JdgmRAwwBt_B8/s640/IMG_4645.JPG) |
大家仲記唔記得Check in果陣,Angel咪比我地揀的番梘呢?佢地已經將我同瞳瞳媽媽所揀的放在洗手盤旁邊! |
![](https://blogger.googleusercontent.com/img/b/R29vZ2xl/AVvXsEi8aTMnTBcCACIBTdvq2owPPS6RyoTxS5H6HrY8Gby0tc2hvGU-pxFj6UvGILBjBnp6z2nae3kRwTYAYxcMx_yGcD9LE7bRjQ2UD64Q5c_a0Ka_74dnCpAPwjIlCxq0XKGb5DYmhOmT7iCy/s640/IMG_4634.JPG) |
呢個向海的浴缸,對住靚景咁浸浴,真係極嘆!出面就係私人泳池,「天連海連泳池」,分不清了! |
![](https://blogger.googleusercontent.com/img/b/R29vZ2xl/AVvXsEjZC35WD_7xRy1OcYQu-bWyIV0S-WKwp-Y8pjSeOJhAmsKj9mD5XnC2WtECdpN9UNk4XAE9EJqPPTH1o3TmJK-e_VJw9yJUnwVTpPzGxU4rJzc03FciG6nrW-mGrByGJ89cFwzvOKo0jICI/s640/IMG_4635.JPG) |
洗手間旁邊是「室外沖身」,可以淋浴,方便大家上水或落水沖一沖身! |
![](https://blogger.googleusercontent.com/img/b/R29vZ2xl/AVvXsEjrmIA1Z6FqVVbiGA-J3xYPuKBIleZpQGf3x98QrzS097UD_w_rIGRF_MAe4k9jYxBycrQabcSsOxXSUyCDVFCT5sLt2lzfAypojqn6Ho_o3f7MJRavFBpdSV7agV16jXmTKDPlP0mkh3Br/s640/IMG_4636.JPG) |
呢個就係室內淋浴間,就係浴缸對面,同樣望到大海! |
![](https://blogger.googleusercontent.com/img/b/R29vZ2xl/AVvXsEhqCacuYqaMW03sImGQ_DSwH8dSh0GmBmdbNLdkc1KGjkewoWF2XbW_TvsewU7uC6QEQrAUjWxMd8TVR0OfGjcAmBOzlZgPR4Kv7fhbtXDP5l4ZSdfLs00uK0_35bpRM0uPkFd6smLrZrXz/s640/IMG_4639.JPG) |
泳池係長方型咁,夜晚仲有燈添,水深大約1.4米左右,有返咁上下水深,所以好有浮力! |
Angel 們替我們安頓好行李,詳細地介紹房間設施後,係時候食午餐啦!於是幫我地call車,送我地去餐廳!Paresa內的餐廳「Diavolo」提供「地中海菜」(主要為意大利)同「泰國菜」,咁我地到埗泰國第一餐,一於就食泰國菜啦!
餐廳係我地解決一日三餐的地方,有室內同室外的環境可以坐,我地叫左個set lunch,因為係泰南特色菜,所以口味會偏辣一點,小食併盤同串燒都香口出色;大蝦個汁惹味,蝦頭仲好多蝦膏添;瞳瞳把整個竹筒飯吃掉;冬蔭功的辣味返到去房都仲記得~
![](https://blogger.googleusercontent.com/img/b/R29vZ2xl/AVvXsEjm1oLdWwzcAVrnyClPk2pMR4BCC5hz9mTLvtaQaY9CQk22Y3hp2TOhMaRqMeFFBfVQDLdR5by7MBO5TRrYYCfat0hN-PhqT-1QYytJoF2jX1V20GLrA7iR1Reb-VrJ8tkAjUo7o6ytlLgs/s400/IMG_4669.JPG) |
Paresa內的餐廳「Diavolo」 |
![](https://blogger.googleusercontent.com/img/b/R29vZ2xl/AVvXsEiOxAvQHtlQW1ifYfz2pbrXY5KqgQLxGm9dbUGVTUi0T0otLlgZWjBq6zzHznhYrFGzvy6E8Ut-X1lK7-xpqw4E7xZGKWjXlnFpw47ARGfsbIaAmYQpnx6C9WOjS3n0BJnhVMyRuVNFeetC/s400/20160731_133911.jpg) |
我地坐在露天位置,享受陣陣涼風~ |
![](https://blogger.googleusercontent.com/img/b/R29vZ2xl/AVvXsEjBReO4FWH6jzM6RP2A3_2VAYINlkUxEQi2tARgC-07JkIF13ZJ3_41p8WxwRGAI36l7exZkZMZ6QcEc9ZMOgsSB6LfM1iI0gOfx048Yet2bOBqAsR7-KmoxOVJa68t8DWifsli6AG__i3c/s640/20160731_134026.jpg) |
而我地坐的位置對出,就係呢個平台啦! |
![](https://blogger.googleusercontent.com/img/b/R29vZ2xl/AVvXsEjY5Ygvro1xWq7gxC_OcBo7LffOl1HqXynHdd_hOXU5Xy8ug2BKa8dbjmMWX4UVZ1YCLiNlrBTQQa1daQBk4KrirfR5-N_w2ecMC0MFum87vtJ7x1xh8XMJxTFNUnlgs0hK_N30Z8EO-kOY/s400/20160731_135028.jpg) |
和女兒談天說地~哈~ |
![](https://blogger.googleusercontent.com/img/b/R29vZ2xl/AVvXsEi4nupJsh9fdvfkzGNP67mQWeEbTxlSd7NbV1dFvOZNefyX8VrGzFth_zQdbHD3mW5fxQCIzZw32xVK-eZRaFxDgFmwefPWKDMwnOMqOVIo_5Em0L_qZILxiL3ezvf0KGSDcwwVlD3CRs5N/s640/20160731_140405.jpg) |
花多眼亂,於是我地叫左套餐,餐牌中英對照,方便許多! |
![](https://blogger.googleusercontent.com/img/b/R29vZ2xl/AVvXsEgwc3rKI15Pu-pSpMjkUw0ffz_1YjAi9jRtmDzF9SOqoRoCve5k5BE-01ZoqHWJuoOwq8iopjwwlQurRM_kBTq8B-fYuQxZgMjfoC8QjAvnQRbmMw1A_tkDJFOWk6R-rV4Qm117j9X7m2zu/s400/20160731_134359.jpg) |
對住藍天白雲,享受陣陣的海風,如果有一杯又健康又涼浸浸的飲品,真係賞心樂事﹗所以立即叫左杯水果特飲比瞳瞳,呢杯係芒果溝香蕉smoothies,好新鮮! |
![](https://blogger.googleusercontent.com/img/b/R29vZ2xl/AVvXsEhg5dPFy_YH7-gagErY8srJj-gCzhY8jYbehU_7xjbLgjb7bDWwVryXutlBuWTJ6TclpbvNDrazPD3otL41YD5rF3b7H4n9uZXHDTYgrJ56BO1TRXNzPhdPEwqN2OE6cxhXvIxctIMWYwG9/s400/20160731_135640.jpg) |
小食併盤好出色 |
![](https://blogger.googleusercontent.com/img/b/R29vZ2xl/AVvXsEi-xcpww_fm_4JEwbWAf0TQ6FAuhECXNXxX5U1kDrW6m5NBvzFX1ADdo3ZyCfCwIoPKVaxdLmVSzNDXPD1tJbzWoX9G4xyKrWmkbxakR5H4HZ43el7sV5T1RW8RMAp3Gx5eS9lYER6kDBg1/s400/20160731_135709_002.jpg) |
個沙嗲汁好惹味 |
![](https://blogger.googleusercontent.com/img/b/R29vZ2xl/AVvXsEgDPLRqd2HNvDdMPh0pq7fkRi6vpLEkIyvJ68RVIqUmbmXhsxoSxWPXgjO00tfUX8YcJasvdSX4Lttu2lvaXDKWH_Ib2CoIq9uOmYPrO5rqQPqGuOIDbs4nRX0QerN3XR9JuZVbHyT5xe8Q/s400/20160731_141422.jpg) |
全部都泰國地道口味,所以口味偏辣一點 |
![](https://blogger.googleusercontent.com/img/b/R29vZ2xl/AVvXsEj8Fvy0V2GYZPgtdqhvYjSbH11kc8QoL2LPZxFt5mag_oG3NW1l3vEtQeQyM88cCAW4jQa-6wRdFxISezREo4nXqBXMMhFgRsOIYY1H1P5md6tfOa3_iEUAJEIRJD0JHRGPNjPRMEVS6DFL/s400/20160731_143821.jpg) |
甜品:芒果糯米飯,暖暖的糯米配上香濃的椰漿,加上酸酸甜甜的芒果,直衝向味蕾~嘩…讚﹗ |
![](https://blogger.googleusercontent.com/img/b/R29vZ2xl/AVvXsEjEn6kxRNLcGXARx7iQQji7173Bc1xCpUsPUKiTlBIJw-df1Li9FXjlXGvwaH-nz0R89ZVdDUfZ_ALpE6Jlh-Q21T-S31qFkOPsPl4R2Y0Fqc7gWuEOIeweIXANuJCEFipzR1CIZ4YrdoCG/s400/IMG_4592.JPG) |
離開餐廳前,餐廳代為book車,等車的時侯遇上不怕人的小貓~ |
食飽飽,不如睇下Paresa既設施咯,成個Paresa座落係海邊的懸崖上,而為左保育大樹,在興建的時候都加以考慮同盡量避開,所以連接成個建築群主要靠木砌的行人木棧道。Paresa有一個公眾的Infinity Pool 無邊泳池、向海的圖書館"Muse"及精品部、Gym House 健身室、廚房教室"Recipe"同埋SPA House。
Infinity Pool
![](https://blogger.googleusercontent.com/img/b/R29vZ2xl/AVvXsEixSlLcVcEHfeQYymxs20gWIDZ_DPFAPeCOhA0Iky2XOI9w7_SCXkg28nMCb2wx9SBnT2ghC3jtxlU6qVDXYoiBeMWwLJzcSvlkNHr6pJfhli-fqTaYwg4WHbGDzxkh3yyTx4uTJtQ7Qc8E/s640/IMG_4717.JPG) |
Paresa的Infinity Pool 無邊泳池 |
![](https://blogger.googleusercontent.com/img/b/R29vZ2xl/AVvXsEjJOH0cu1IBServZEEqaLTkZ5sqL-alMmaCHTfl7R7sOQtXV5XwhbGwr-bkMSeTbo4uWXLbuFgrDzSzKPa3-Cb2buiuSO9e7YhNnxRanDDH5ExCRW7OsHp8pfB-vQr5nj_FKNZzyG2P6XLU/s640/IMG_4722.JPG) |
泳池向住Andaman Sea 安達曼海 |
![](https://blogger.googleusercontent.com/img/b/R29vZ2xl/AVvXsEgzcqXIr0s6pn9DfJwHEYluO1Dnlva0qkDNzUnfW8SIgvAePW8WRhE0Vo6jnDq64UaxdHAzHBJa0FCzwI6nAp4v470xFFDVLsAD36RFtXL5j2JuBTy8mXIndY5O2hyphenhyphencOx_D7EhV_MuJ8H_f/s400/IMG_4769.JPG) |
泳池的另一端有一個水晶石能量池 |
![](https://blogger.googleusercontent.com/img/b/R29vZ2xl/AVvXsEi2SDsh4T9Bej505iOfL1oxAe7jMnYxD_kdSguyE30I_DWQaoKJ6Hy0_giFb7iqYFUdxZETTGk4kmyHI_7eyjVE5PmA4-KRC7ewoo1QffoOLCuTDY4TKoT9tvDXKQTp7ukKeYmWoW1nPSl7/s400/IMG_4762.JPG) |
真係超靚架! |
圖書館「Muse」
![](https://blogger.googleusercontent.com/img/b/R29vZ2xl/AVvXsEhjd_RP8TcEbm1rlqvvpYs7Gn3gXibAt5iesUUcv20xHeYH3uX5k9Q1tEDB1HQXW24DWIVIKl6go2url-qDZb38TFb_KRdLPeb79WcUVRPMzqK_tmFihDWafCRkNmlwOT8D9zzMirhZnwy9/s640/20160731_165736.jpg) |
享受悠閒時光 |
![](https://blogger.googleusercontent.com/img/b/R29vZ2xl/AVvXsEirsST6nJ2QVeWuXS2qyQ-V0Zq2pKowqU4sCS5qcDYJ0fFP0-_2Dq5w1Pjcw-tFemtiEUv2l4jP-Irqn1jvI2PqUujOyUJH9aDVRtCUfjgva9L64qIoBlUJ2Fcx3ftjfre5Z5xbQ6nLUD-L/s400/20160731_170101.jpg) |
旁邊有間賣紀念品的小店 |
SPA
散完步,我地就返房玩啦!Angel在我地用膳期間,利用空檔預先做左一個泡泡浴比瞳瞳玩,所以我地一返到房就有得浸泡泡浴啦!浸完之後就梗係出去私人泳池仔玩啦,水深大約1.4米,望住大海,下面就係懸崖,D風由下面吹上黎,都幾刺激架!泳池係我地自己房間包埋,幾時鍾意落水就落水,唔受時間限制。期間Villa更送來香檳,給我們一個驚喜,服務好週到!於是整個下午,我地就不斷游走泳池同浴缸,因為私隱度高,真係裸泳都唔怕!
![](https://blogger.googleusercontent.com/img/b/R29vZ2xl/AVvXsEicKqVWueoy5YyOdpuEuXRc0i-jlhD6trQ5NbEES1XFzk3q10FwSsWwlYv9Z27uN6ZmRL7FJxaexVOAQQMDtUuNLqUVbKeoMl9w01i16rnSGx2oI5sGLuwrqpq88V6eL09UfYm5m3K62F1-/s640/IMG_4644.JPG) |
藍天、白雲、泡泡浴 |
![](https://blogger.googleusercontent.com/img/b/R29vZ2xl/AVvXsEjZihUgN6nqzljMoZA3sdktkAWKJWuPbdgquyNvwRS7IBi0eKbQjo24iOjrltU1nYI2BGamHX28ga95gX3PhN3XTRUZA0hO_O52Qr3Vsa1hui27h4roMPSh5nOmwRN0LAfbkcJqKpaWIKgp/s640/20160801_112336.jpg) |
內內外外,同樣精彩 |
![](https://blogger.googleusercontent.com/img/b/R29vZ2xl/AVvXsEgQN5RdyiqSvWYxkdOmymCqLnnLduCnp9MjBTPLfbF4hyphenhyphenszQnd1IKxj4Ls_AThxFDA2GPpVIQztghx1BKWykxvDPM4wa-vEBbqqAghczH9NnjWIHDkseB_2vKROUqycaw5KRs1SoWZ1j6je/s640/IMG_8718.JPG) |
有私人泳池玩,真係玩到唔想上去。 |
![](https://blogger.googleusercontent.com/img/b/R29vZ2xl/AVvXsEjHOx0N8H2f2ADyUGmbno6U10L0GcTNyIg8xMt8KDFL10zHNloG3rCtAd2BExZDmQmrYO2TkSM4UWWx3TS_pBqJLnUtMZbrx8Ox781lWyvurGlHLoaaee7IZ03INcup2PGiTQGABdYjnj4z/s640/20160731_151724.jpg) |
真係好刺激! |
![](https://blogger.googleusercontent.com/img/b/R29vZ2xl/AVvXsEjUWb7E8_k58-MKtfzpdTp6Nf_qCL_A_O_uaz9vZR7-trJCHAoqbSgKBBSkMm2EMJ8J_4CBB9SuSM74GohPEIK2HawV80a4SfU7r81h9Xc1F4uVXqWedjcJXmZTfXQ9LtKyTShMg0aRciRh/s400/20160731_153555.jpg) |
曬下太陽先 =) |
![](https://blogger.googleusercontent.com/img/b/R29vZ2xl/AVvXsEgbtynonO4xYgdIwYb9bMvEb-Dd7jbrvqpEW4jYAKwsLc1Lzhob7kZu_j97Wll4NeJ7NTUzelbSR_-jK2c_RG9_Gd8BHncjNtyYGfytOykLqLwXHGm9xS-_GguBLW86CPRcuGH3jSZ93U3L/s400/20160731_152657.jpg) |
多謝送來的香檳,讓我們可以嘆住香檳去遊水 |
玩完又抖完,不知不覺就到晚餐時間,原來餐廳環境更加浪漫,就來一個燭光晚餐!今次我地就試下意大利菜啦,叫左兩個Pizza(原本係叫一個Pizza一份意粉,但餐牌中文翻譯有誤,所以意粉變埋Pizza)、椰青一個、炸雞串小食,佢地仲送左每位一份頭盤:「三文魚他他」(Tartare)及一籃意式麵包。原來有麵包,早知瞳瞳爸爸就連Pizza都唔叫啦~試下其他野嘛~
講返個Pizza都幾好食,而且好足料,佢係我地香港所謂的「薄批」,所以唔會食到好漏;炸雞串小食反而個醬都係驚喜,好好味,又唔似沙律醬,但總之好味!
![](https://blogger.googleusercontent.com/img/b/R29vZ2xl/AVvXsEiUR0ks3nos7CqLkknJCd9QdnL8E6omvZcK3WTLqte8B0lLT0ZfIvS_yJzDmVaNHANbOmf9ypboRx26ZVGYwYasSg86e3tHsRH7LjcmjzV_QSyoqtYSx2CDEcRY9YrcNjwsMT5zo1JVooCh/s400/20160731_200008.jpg) |
燭光下的晚餐 |
![](https://blogger.googleusercontent.com/img/b/R29vZ2xl/AVvXsEgXPsYi_KBvdVG32wCOoS4BVqqb_Pas_cz3LgoNFaHWCMj6LYKhGm0R449SrnBG2RSOzIf_Is-BDERKQCrfL_PDMctDf7fTlaNvut7tNunnre0X4buZLN-qSMBBfJSourOdu48YptsQQ6Cy/s400/20160731_200945.jpg) |
餐廳原來有不少客人,佢地一早book好檯,在平台上用餐 |
![](https://blogger.googleusercontent.com/img/b/R29vZ2xl/AVvXsEgc3YQigEIwhY6mQalVGpXXsJueBkLo8Fw6g47txlcwzGolyJDxkMMImPZ-3Vo6S9yqeRbjVAavh9zTI4cD2vMkaoI42nvG-76sFqXJ4XWVaiwx83i6O5QHKGyCsSKetxEHQZWB9mYolvXi/s400/20160731_201941.jpg) |
三文魚他他 |
晚上回房,竟然有人在我地間房對面的山頭有人放煙花,近距離見到,真係好幸運,於是就影左同瞳瞳的煙花合照。呢晚玩到盡哂,好快就進入夢鄉。
![](https://blogger.googleusercontent.com/img/b/R29vZ2xl/AVvXsEgDABFYrGISBJkGNZu4IxGvj2Uj-N-XgvEemZ6_yo8CehCddQlV_7AAy06x4ayHFebhUAPkmFmzbhV1RhiBRrUqCtrXboaf6rZBlx-7msgQ9I9nsVnUQspJjJqWT1MfjvlmxXvhcxTLsX9h/s640/20160731_212459.jpg) |
好鍾意呢張相,瞳瞳媽媽影得好好! |
過左一晚,第二朝食早餐,早餐係以自助餐形式,每人可以再揀多一道主菜,我地就揀左奄列同 Pad Thai 泰式炒麵,至於飲品咖啡等熱飲可以柯打,而果汁就自己出去拎啦!
食物方面,由中式燒賣到冷盤凍肉都有,多士麵包蛋糕芝士少不了;生果仲好有心思切成心型。
差唔多食飽飽之際,Villa安排帶來一位Angel,為我們試做10分鐘的接摩,你不必走動,直接坐係原本位子上,就可以了。Paresa的安排真係處處驚喜。
![](https://blogger.googleusercontent.com/img/b/R29vZ2xl/AVvXsEhWgAP1cguk3gDJkl891suomJv_8Z5iKKiJ9zWbILQ3snYoDU_AWiCqvUdihS4r6KplibYWJ_3Fk4_zjVz9XMv1nOfja3MKHL00qHBCtTdM8NTcN6aZJFhHKHrEzFFZ4m1zFu288R3wEUFX/s400/IMG_4657.JPG) |
見到燒賣,好似外地見到老朋友一樣 XP |
![](https://blogger.googleusercontent.com/img/b/R29vZ2xl/AVvXsEgdlvlh2AUn_rrhd2-5ZK0kR8WKrC0KvDAgmuy53un8hXJWqEoW_3unH3wVZvwUmTytXPKdtZ1Y6qg4c559DxTbSNTkv1yruS2a0GNRgaSHlgp88SyUKZb9C9FrMzzUSk_mNkLT2mxHNmw8/s400/IMG_4684.JPG) |
心形西瓜 |
![](https://blogger.googleusercontent.com/img/b/R29vZ2xl/AVvXsEjbIUMqu8LAq82T1abE1Fkc4LtEQjuivF5ZvUQc2adkmn1NFcsw9hWUxxaXyaWSUcz8T7SVweuEdJr9btyI1NTksU4Xxx4EBNnC80fX9zIqgVlsRUDuXekzBlFtCL2tt4Y_v3aKydKgZtA0/s400/IMG_4704.JPG) |
Villa安排帶來一位Angel,為我們試做10分鐘的接摩,你直接坐係原本位子上做就可以了。 |
早餐過後,我地返房游下水,執埋行李,就準備12:00 Check out,Angel告知接載我地既車已經到左,並將行李已經放好上車,待我確認,仲好細心比左幾支雪凍過既水我地在車上面飲。住Paresa的體驗係非常好,令你好放鬆,遠離繁囂,日頭同小朋友遊下水,夜晚在餐廳同老婆燭光晚餐,再一家人睇星星,大人同小朋友都滿足到,入住過一次,人生無憾~
在此亦多謝Paresa的各位Angel照顧,亦多謝Paresa的經理:Nina,她非常熱情,這兩日一夜的體驗對瞳瞳一家非常照顧,thank you so much!
離開Paresa,剛剛好又是13:00,我們在「天堂中的天堂」享受了24小時的日與夜!
![](https://blogger.googleusercontent.com/img/b/R29vZ2xl/AVvXsEh1ekRz5hg7JF7q9gEpWeJwP-Hk9FiwpxpPT199t5z7hWnx14aXd8cqA9uhmW-Xl-Uv0Gl1thkEmso7ohOgJagrBLZqBWzpzEqP1SEWAqxPtoGAYJqvjvW2dVrnjyUZQGDT4Im1bjSzvgqn/s400/20160801_122737.jpg) |
Paresa 奪得多個大獎 |
![](https://blogger.googleusercontent.com/img/b/R29vZ2xl/AVvXsEjkfGAaXJBWQlWhBY0NwM_oa-fiT6BLzl-sGVKzwAFZHbrkPFQUKiC8NHB9UwZqkjoSjlHDbjDiAB9o3P5e7ijKW8pJ8dOe2SXCBaMPMNcV6f-wPgqaBDGzAvxXA67If7Ga6CKJ78eZqjN3/s640/20160801_123442.jpg) |
呢位就係呢兩日負責接待的Angel -「PANG」 |
有用資料:
1. Paresa Resort Phuket
地址:49 Moo6, Layi-Nakalay Road, Kamala Kathu, Phuket 83150, Thailand
電話:+66 76 302 000
電郵:reservations@paresaresorts.com
延伸閱讀:
2016 七日六夜泰國布吉親子遊攻略 - 準備篇
2016 七日六夜泰國布吉親子遊攻略 - 「Man哥」安排接送及活動篇
2016 七日六夜泰國布吉親子遊攻略 - 住宿篇 - 活在天堂日與夜的「Paresa Resort Phuket」
2016 七日六夜泰國布吉親子遊攻略 - 住宿篇 - 擁有全芭東最大的酒店泳池「Novotel Phuket Vintage Park」
2016 七日六夜泰國布吉親子遊攻略 - 玩樂篇 - 蛋島半日搶灘風雨團
2016 七日六夜泰國布吉親子遊攻略 - 玩樂篇 - 騎大象之旅
2016 七日六夜泰國布吉親子遊攻略 - 飲食篇
2016 七日六夜泰國布吉親子遊攻略 - 行街購物篇
2016 七日六夜泰國布吉親子遊攻略 - SO THAI SPA
沒有留言:
張貼留言