今年2018年暑假，行程好豐富。我地放暑假開始，7月去咗「玩盡宜蘭六天親子遊」，8月就去埋日本大阪，玩一個「非一般大阪「堺市」六天親子遊」。今次去兩次旅行，最主要係我工作上的拍擋佢有喜呀～嚟緊年尾要生BB做新手媽媽，所以我未來要接手佢的工作，要待佢出年四月復出（太好了，剛剛政府通過有14個星期產假），我地一家再計劃外遊啦！
所以！今次！要盡情地玩～～
大阪對好多香港家庭嚟講都好熟悉，簡直「返鄉下」咁滯，分分鐘大家教返我去玩，始終世界那麼大，唔可能所有地方去哂，我都好希望網友都同我分享下你地去過有咩地方好玩、有咩資訊最新又update嘅，歡迎大家交流下呀～ ^^
今次我就分享一下去「堺市」的行程，可能大家唔知道堺市係邊？其實只要你係由大阪關西空港落飛機入大阪市，途中一定會經過「堺」呢個地方。歷史上，「堺市」其實比大阪早開發，算係舊城，最出名係咩呢？就係「墳墓」！世界最大規模墳墓的「仁德陵古墳」同正積極籌劃登錄世界遺產「百舌鳥古墳群」都係呢度，不過我地係夏天出發，天氣酷熱，所以就唔打算帶小朋友參觀古墳了（古墳面積大得像幾個香港的維多利亞公園）
點解會揀「堺」呢個地方呢？因為之前去過幾次大阪，發現「堺」呢個地方好特別，特別在幾乎所有來往關西空港／和歌山及大阪市的火車，無論你係任何類型的快、慢班次，一定要停係「堺」駅，所以你睇到張路線圖就知道有幾咁方便：往返機場的 特急rapi:t 來回都停、由我地「堺」駅去大阪難波駅，亦只需３個站而已！
我地今次連續５晚住宿會係「堺」駅旁邊的Comfort Hotel Sakai，車站步行５分鐘，房間大，價錢仲比大阪市同類型的房間平一大截添！玩的我地去咗「住吉大社」搵小石頭做御守、搭有百年歷史「阪堺電車」、岬（Misaki）公園，親親海豚體驗、大型兒童館Big Bang帶頭盔攀爬53米高的遊戲塔，仲有我地去book左影一輯日本風格的專業家庭照啦！
行程大公開：
5/8 (日) 香港＞大阪＞關西空港＞住宿：Comfort Hotel Sakai＞晚餐：明治色亭（大阪燒體驗）
6/8 (一) 酒店早餐＞岬（Misaki）公園，小朋友親親海豚體驗＞午餐：無添壽司（扭蛋壽司）＞堺大型商場platplat＞晚餐：百貨公司便當
7/8 (二) 酒店早餐＞堺大型商場platplat＞午餐：ポムの樹＞百年阪堺電車＞住吉大社＞晚餐：仔牛亭燒肉
8/8 (三) 酒店早餐＞STUDIO ARC +nachu イオンモール堺鉄砲町店（影和風家庭照）＞午餐：Sushiro壽司郎＞西松屋＞酒店休息＞晚餐：かまん拉麵
9/8 (四) 酒店早餐＞午餐：杵屋＞大型兒童館Big Bang＞酒店休息＞晚餐：膳や musi-vege+
10/8 (五) 大阪回到香港溫暖的家
「堺」呢個地方暫時唔係好多香港人去，我地亦好少撞到香港人，遊客唔多，百貨公司、超級市場行得非常輕鬆，就連西松屋都無咩人行，我地食、玩、買都好輕鬆好開心，特別係暑假旺季一Ｄ都唔擠擁，如果你玩厭大阪市，呢度可能係你喜愛遠離遊客區的好地方。
大家一於跟我地去「堺」呢個地方
嚟一個非一般大阪「堺市」六天親子遊～
2. 堺駅食肆推介＋PLATPLAT購物中心，超貼地感受生活
3. 海豚聚會+機動遊戲+動物園三合一：岬(Misaki)公園
4. 大阪百年歷史路面電車，體驗「阪堺電車」之旅
5. 尋找小石頭做御守，千年歷史「住吉大社」
6. 超級好玩！大阪府立大型兒童館BIG BANG！齊齊攀上53米高「遊具之塔」！
沒有留言:
張貼留言