【日本、大阪、堺】非一般大阪「堺市」六天親子遊～大阪百年歷史路面電車，體驗「阪堺電車」之旅

「堺市」入面，最出名的一個特色，就係路面電車「阪堺電車」，顧名思義，就係來往大阪同堺市之間的電車。電車係明治30年（1897年）成立，至今已經超過一百年歷史，所以亦稱為「百年歷史路面電車」。

「阪堺電車」路線圖

時至今日，因為時代進步及城市社會的發展，多年來「阪堺電車」路線都有不同的更改。我地計劃今日要由酒店出發，去「住吉大社」參觀，正好使用「阪堺電車」作為我地既交通工具。

我地一齊出發，體驗一下百年歷史路面電車啦！

我地由酒店行去附近阪堺電車的車站，大約要10-15分鐘，中途經過日本的公園，俾瞳瞳玩下，原來日本的公園設計真係好舒服，同日劇係一模一樣😂瞳瞳玩得好開心～

行過公園少少，旁邊大馬路就見到「阪堺電車」喇！我地由「花田口站」上車，打算係「住吉站」落車。

我地上車啦！月台細細，同我地香港電車都有少少相似既：

1. 車尾上車

2. 如要落車，請接鐘一次

3. 車頭落車

4. 落車先至俾錢

電車直到今時今日，仍然係一眾「堺市」街坊之選，我地坐在其中，感受地道文化。

阪堺電車同香港電車一樣，兩邊都有的駕駛室，所以大家可以去另一邊的駕駛室，近距離見到控制台，當然眼看手勿動啦。

阪堺電車途經大街小巷，有時候會在民居之中經過，好特別架！

「阪堺電車」車上的落車鐘，落車記得打鐘呀～

係喎，講下收費俾大家知先：大人210 yen，小朋友110 yen，無分距離；佢另外仲有一種「一日乘車劵」，600 yen可以全日任搭，不過我地只搭一程，所以就無買到day pass啦～

阪堺電車都有好幾款唔同的車型，作為鐘意交通工具既我或者小朋友，真係就咁坐係車站睇一日都夠開心～😁

我地到「住吉站」啦，但其實係前一個站「住吉鳥居前」先啱，就可以正正係住吉神社門口落車～

「住吉大社」門口，就正正係「住吉鳥居前」站的對面了

下一稱篇我地就介紹「住吉神社」啦。。。。。。。。

1. 阪堺電車

官方網頁：http://www.hankai.co.jp/

1. 距離堺駅步行3分鐘，食肆商店全都有：Comfort Hotel Sakai

2. 堺駅食肆推介＋PLATPLAT購物中心，超貼地感受生活

3. 海豚聚會+機動遊戲+動物園三合一：岬(Misaki)公園

4. 大阪百年歷史路面電車，體驗「阪堺電車」之旅

5. 尋找小石頭做御守，千年歷史「住吉大社」

6. 超級好玩！大阪府立大型兒童館BIG BANG！齊齊攀上53米高「遊具之塔」！