Hello！大家好，真係好耐都未出過文，最主要係因為疫情的關係，我地香港人要響應抗疫，好多時都受到措施所規限，所以無咩得可以出去玩。
無得去玩，當然講緊就係無得去外地玩啦，要留係香港，所以本地好多酒台都推出所謂staycation的住宿計劃，簡單一句就係香港人住返香港酒店當渡假啦！
瞳祈爸爸我身為多年的「沙田友」，沙田區的酒店當然唔會放過啦，其實未有疫情之前，我地已經住過「沙田帝都酒店」同「沙田萬怡酒店」，今次我地終於住到沙田區歷史最耐的「麗豪酒店」啦！仲係復活節假期入面參加佢一個「復活節犇Fun復活節住宿計劃」，一個價錢就包住宿客房＋四位自助晚餐＋四份早餐。
「麗豪酒店」英文叫「Regal Riverside」，咁呢個Riverside就係城門河畔啦！好多朋友都見過呢間酒店，但就未必住過啦，等我地同大家一齊睇下啦！
大堂停留係80年代設計，前台Check in都非常勤快
上到房間樓層，都光潔明亮
房間安排4人房，即係有兩張雙人大床
簡單的茶水、雪櫃、LED 大電視都有，冷氣亦都夠涼
洗手間燈光略為昏暗，浴缸可以俾小朋友玩水，不過冷熱水手掣都比較舊
而我地房間對出就係城門河的河景啦！沙田新市鎮的其中一張標準相～
呢個窗台成為咗我地一家人活動、飲飲食食既地方。
當日酒店安排了不同的活動，我地就上了一堂「親親綠田園」，學種植物，今次係「香草」，就係平時大家食鋸扒的調味料呢......好彩我地住同一個沙田區，可以拎走呢兩盆香草。
另外仲有酒店的尋寶活動，要收集位於酒店不同位置的印章，完成後換禮物。
最後送上一張沙田城門河畔的夜景比大家
麗豪酒店勝在方便，如果想行街，只要酒店門口坐一個站巴士就可以到沙田市中心，食方面完全無問題，酒店附近都有好多食店、小店可以揀，而且好街坊價錢，如果大家只係來住一晚房，都係十分方便！
有用資料:
1. 麗豪酒店
地址：香港沙田大涌橋路34-36號
電話：2649 7878
交通：多線途徑「麗豪酒店」巴士路線
沒有留言:
張貼留言