半個月左右無見大家，原來咁快已經過我地既農曆新年，<瞳遊樂>在此恭祝各位一家大小：合家平安、身體健康、笑口常開、盡情地周圍去玩！
因為瞳瞳爸爸既電腦入面有齊我地一家好多的相片，越影越多，又無時間打理，開始就發現電腦頂唔順，想壞想壞咁樣，呢半個月就係帶電腦去「睇下醫生」，順便做下備份。大家請放心，我地係度呀～哈哈～
 |
之前我地有個「2016聖誕節去東京+草津之旅」仲未介紹，但容我將呢篇本地遊「打尖」先，因為最近好多朋友在whatsapp問我：「有無士多啤梨園介紹？」係喎！提起瞳瞳爸爸添，又係摘士多啤梨既好時候！無錯啦，每年大約一月至四月（清明節之前），都係士多啤梨收成的季節，香港的士多啤梨園集中係新界區，瞳瞳爸爸好多年前係本地旅遊工作的時候，去過同接觸過唔少士多啤梨園，行過咁多過之後，我就主要介紹呢個地方，因為有三大特點：
1. 交通方便
2. 地方(農田)夠大
3. 士多啤梨質素穩定
1. 交通方便
我地一向就去開粉嶺坪輋一帶，特別雲泉仙館後面，一左一右有兩個大型士多啤梨園：一個叫「老徐農莊士多啤梨園」，另一個叫「阿方士多啤梨自摘園」，瞳瞳爸爸覺得「叫兩飛」比較保險，唔會令小朋友失望。順路可以行下坪輋農墟，買到附近農田村民的收成品，粉嶺火車站搭小巴52K到雲泉仙館落車，唔一定要揸車先去到，好方便！當然，揸車既朋友仔仲方便，果度大把停車位，記住泊車去雲泉仙館的後門停車場，未完，停車場尾尾仲有條斜路落去，可以停正正係士多啤梨園門口。
 |
| 在雲泉仙館後門，有個小小農墟，有來自附近村民農田的收成品，不妨一看！ |
2. 地方(農田)夠大
呢度大家睇相就見到了，好大，呢度只係其中一個士多啤梨園，如果行完發覺唔啱心水，請移玉步，行過幾步又有另一家的士多啤梨園（利申：今次我地去相中的一間）
 |
| 農場入口處 |
 | ||||
好密集的士多啤梨
 |
 |
| 大大粒，等大家來摘 |
3. 士多啤梨質素穩定
講返主角 － 「士多啤梨」，今年$78/磅，比以往幾年都貴。今年質素平均，大粒多汁但少甜而已，我地$50收手，大約都有14-15粒。我地即場用水洗乾淨食，將成果食落肚，yeah！
 |
| 辛苦完一輪，特別好滋味！ |
摘取攻略心得
1. 忌心急：士多啤梨園都沒有收入場費。正正因為有兩個場貼住，大家可以行哂兩個比較下先，又或者兩邊都摘少少，用味覺去比較下。
2. 下雨天不要來：落雨或者剛停雨都唔好去，因為摘士多啤梨真係需要在農田之間走動，落雨或過後都會變泥濘，令你好狼狽。
3. 好好利用剪刀：入場時自行取剪刀同籃子，之後就可以「開工」啦！記得多利用剪刀，將多餘的枝幹剪走，點解？因為計重量計價錢咯 ＸＰ
4. 越遠越好：離開「收銀處」越遠，越少人到達的農場邊緣，往往有意思不到的收獲。
5. 不要浪費：好重要哦！記住真真正正睇啱先動刀，因為一剪下來，就是你的。
有用資料:
1. 「老徐農莊士多啤梨園」及「阿方士多啤梨自摘園」
地址：新界坪輋雲泉仙館後門
交通：粉嶺港鐵站專線小巴５２Ｋ（往坪輋），「雲泉仙館」有落
延伸閱讀：
[本地親子遊20180219]行程買一送一：「陶氏休閒生態農莊」士多啤梨有機菜體驗+閃遊流浮山
沒有留言:
張貼留言