【香港本地親子遊】玩盡熱門四大公園：水牛公園 X 恐龍公園 X 岩石公園 X 月球公園

我地<瞳遊樂>介紹過九龍區四大公園，分別係：牛池灣水牛公園 X 坪石恐龍公園 X 九龍灣岩石公園 X 油麻地月球公園，今次我地嚟個總結，方便大家放假時候搵資料去玩 ^_^

全部資料都係我地自己親身去過、玩過、實地考察過.......都係想各位爸爸媽媽放心盡情去玩～

水牛公園 

http://tungbama.blogspot.hk/2017/06/20170622.html

牛池灣公園(水牛公園)昔日為牛池灣堆填區，七十年代已經停用，在三十年之後復修成為公園，2009年落成啟用。公園佔地約四公頃，依山而建，主要分為「上、中、下」三個平台，其實三個平台都有兒童遊樂場、洗手間，人唔多，非常乾淨企理！不過連接三個平台的通道都係樓梯，推BB車的家長就唔太方便了，可能要行返出外面馬路(斜路)去連接各平台。

恐龍公園

http://tungbama.blogspot.hk/2016/07/20160706.html

今次同外母係藍田飲完茶，順路到有恐龍公園之稱既坪石遊樂場。近年來康文署新建的公園都有唔同特色，而今次呢度就以「恐龍」做主題，例如恐龍滑梯、化石、骨頭、恐龍蛋等，不過地方比較「了能」，要由彩虹、彩雲邨或者彩德邨行過去，但相對人流亦比較少，自駕揸車卻有蓋停車場泊車（非常難得，因為公園多數露天場），反而仲方便。

岩石公園

http://tungbama.blogspot.hk/2018/03/20180329.html

今次我地介紹呢個：「岩石公園」彩榮路公園，一個以岩石為主題的公園。「岩石公園」之得名，係因為以前呢度係一個石礦場，後來石礦場停產，原地就發展成為今天彩霞邨、彩福邨、彩盈邨同彩德邨。所以我地今時今日係公園，仍然可以見到昔日礦場的遺跡。最特別呢個公園係要搭升降機先上到去架！

月球公園

http://tungbama.blogspot.hk/2018/04/blog-post.html

「京士柏」，一個天氣報告經常提到的地方，其實係邊度呢？簡單來講，就係油麻地消防局後山，九龍市區中心的一個小小山丘，呢度既一花一草一樹木，就好似市區的心肺。京士柏山上除左有天文台設立的京士柏氣象台外，仲有今次我地介紹的京士柏遊樂場，京士柏遊樂場以「星球、太空」做主題，有似月球隕石坑的滑梯造型，所以好多人又叫呢度做「月球公園」。