【日本、大阪、奈良】[新手必看]Day3 6日5夜大阪奈良親子游全攻略(3之3. 高島屋百貨簡介、晚餐: 難波地下街鰻魚飯、宵夜特集:燒賣、拉麵、章魚燒)

大阪奈良6日5夜親子之旅! GO !

4/8   酒店à地下鐵 => 大阪生活今昔館 => 天神橋筋商店街+天六食堂 => 地下鐵+近鐵 => 奈良公園+奈良東大寺 => 近鐵 => 酒店 => 高島屋百貨簡介、晚餐: 難波地下街鰻魚飯、宵夜特集:燒賣、拉麵、章魚燒

我地入住的酒店，位於南海電鐵難波站，除左地面的商店街精彩之外，地下的地下街同樣精彩。

高島屋百貨簡介

酒店樓下有間百貨公司，點都要行下，不過佢就似香港嘅馬莎/SOGO一樣，行高檔路線，所以可以介紹大家「精要」咁行，唔洗行哂嘅！首先「高島屋」10:00 ~ 20:00 ，無錯，係連<愛．回家>都未做佢就已經收左檔，呢個時間我諗應該好多朋友啱啱行完一天行程返到酒店，不過，可以留意佢既B1層，係一間大型的超級市場，19:00-20:00臨收舖之前１小時會做大特價!!! 例如炸物、便當之類，真係平好多!!如果大家唔介意，執齊返酒店當晚餐食，可以慳唔少。7/F ~ 9/F 係餐廳層，不過我地未試過，只知道呢三層會收得夜少少，到23:00。

5/F係一家大細會去既地方：「童裝部+玩具部」，我地先將瞳瞳安頓係玩具區，然後兩個人去旁邊睇下衫，再返嚟湊番佢。不過玩具部唔係好大，有點失望。 到此為止，其他層數可以不理。

瞳瞳玩到唔捨得走!!

難波地下街鰻魚飯

瞳瞳爸爸好鐘意食鰻魚，試過去外地旅行，要在超級市場買一條鰻魚(熟)返酒店食，今次第一次黎到日本，瞳瞳媽媽係都話要陪我食番餐鰻魚飯，記得我地去JR難波站既時候，經過地下街，入面有好多食肆，幾乎全部都以「鰻魚」做噱頭，我地隨意揀一間就好了 - 「更科 廣田屋」。

門口好吸引!!!! 令我呢個鰻魚迷雙眼發光!!

我地叫左兩客定食，每個都係1070 yen，分別係一個配湯烏冬同冷麵。鰻魚好好味, 真係同香港食既好唔同，好厚肉，而且無咩骨，好軟身，都唔駛點咬咁!! 我心諗，求其一間都可以整得咁好味，如果去一間講究少少既仲得了既......好好味呀~

地下街都有唔同類型既舖頭，不過價格唔平，睇下無妨。

宵夜特集

瞳瞳爸爸更加係燒賣怪，「551 蓬萊」在大阪/關西地區開好多間，佢係主力賣幾種中華點心，例如菜肉包、餃子、燒賣、蝦肉燒賣等等，燒賣、蝦肉燒賣係唔同架，前者係得豬肉，後者就係平時酒樓食得到果種! 「551 蓬萊」總會跟住另一間雪條專門店:「アイスキャンデーができるまで」，昭和29年(1954年)到宜家，主力賣懷舊冰條。

「啤酒+蝦肉燒賣」：宵夜絕配! 「我唔客氣啦!!」

行到去道頓堀 ，有所謂的四大拉麵：「四天王」、「一蘭」、「金龍」及「神座」。當中我覺得24小時營業既金龍拉麵最有性格，因為佢只獨沽一味「叉燒拉麵」，獨步天下，你只係可以揀「標準碗」定「加大碗」。

金龍同四天王拉麵就近在咫尺......埋身戰?

先在售票機買票，標準:600 yen，加大900 yen，然後把票遞給拉麵師傅。

取餐處有3款配茶自由選擇: 辣韮菜、泡菜芽菜同蒜頭

叉燒拉麵，好似我呢個嚐蔥者就非常歡迎，叉燒唔肥，不過不失。

開到深夜既「元祖大阪章魚燒」，500 yen 9粒，就在一蘭拉麵旁邊(一蘭也是廿四小時營業)，我買既時間大約凌晨兩點，都仍然有不少人幫襯，而且佢亦不斷製作，唔似香港「整好疊高」等你買，每顆章魚燒入面都有大大粒章魚肉，絕無欺場!!

咁夜都不斷係咁整~

買了外賣返去慰勞一下瞳瞳媽媽先~

開心旅行，就係可以由朝食到晚。。。。。。

延伸閱讀：

[新手必看]Day1大阪奈良6日5夜親子之旅全攻略(4之1. 香港飛台北到大阪，相機失而復得，轉機其實好簡單!!)

http://tungbama.blogspot.hk/2015/08/day165.html

[新手必看]Day1大阪奈良6日5夜親子之旅全攻略(4之2. 搭上外形極似鐵人28的南海電鐵Rapi:t直奔大阪市難波站)

http://tungbama.blogspot.hk/2015/08/day16528rapit.html

[新手必看]Day1大阪奈良6日5夜親子之旅全攻略(4之3. 極盡地利、飽覽大阪市的swissotel NANKAI OSAKA 南海大阪瑞士酒店)

http://tungbama.blogspot.hk/2015/08/day1653-swissotel-nankai-osaka.html

[新手必看]Day1大阪奈良6日5夜親子之旅全攻略(4之4. 日本第一餐:「燒肉力丸」放題)

http://tungbama.blogspot.hk/2015/08/day1654.html

[新手必看]Day2大阪奈良6日5夜親子之旅全攻略(2之1. 大阪環球影城:教你不用花一分錢買任何Express、不用園內撲入園劵，輕輕鬆鬆進入哈利波特的世界)

http://tungbama.blogspot.hk/2015/08/day26521-express.html

[新手必看]Day2大阪奈良6日5夜親子之旅全攻略(2之2. 大阪必到固力果招牌、網友激讚的平價抵食之選: 赤垣屋迴轉壽司)

http://tungbama.blogspot.hk/2015/08/day26522.html

[新手必看]Day3 大阪奈良6日5夜親子之旅全攻略(3之1. 嘆住冷氣和服體驗之大阪生活今昔館、日本最長商店街天神橋筋+天六食堂)

http://tungbama.blogspot.hk/2015/08/day26531.html

[新手必看]Day3 大阪奈良6日5夜親子之旅全攻略(3之2. 鹿的世界，瞳瞳爸爸講故事@東大寺 奈良公園+東大寺)

http://tungbama.blogspot.hk/2015/08/day3-6532.html

[新手必看]Day3 大阪奈良6日5夜親子之旅全攻略(3之3. 高島屋百貨簡介、晚餐: 難波地下街鰻魚飯、宵夜特集:燒賣、拉麵、章魚燒)

http://tungbama.blogspot.hk/2015/08/day3-6533.html

[新手必看]Day4 大阪奈良6日5夜親子之旅全攻略(2之1. DIY日清杯麵之旅、一風堂拉麵)

http://tungbama.blogspot.hk/2015/08/day4-6541-diy.html

[新手必看]Day4 大阪奈良6日5夜親子之旅全攻略(2之2.梅田「大丸百貨TOMICA+SANRIO專門店」、觸得到的海洋世界「海遊館」、国産牛焼肉食べ放題)

http://tungbama.blogspot.hk/2015/08/day4-6522tomicasanrio.html

[新手必看]Day5 大阪奈良6日5夜親子之旅全攻略(6/8 酒店＞漫遊道頓堀＞蟹道樂＞善導寺＞黑門市場＞日本藥品網頁介紹＞ 瞳瞳與屎屎人的趣事)

http://tungbama.blogspot.hk/2015/08/day5-6568-aaaaaa.html

[新手必看]Day6 大阪奈良6日5夜親子之旅全攻略(7/8 中華航空大阪經台北返回香港+和颱風蘇迪羅鬥快+親子之旅小總結)

http://tungbama.blogspot.hk/2015/08/day6-6578.html