大阪奈良6日5夜親子之旅! GO !
4/8 酒店à地下鐵à大阪生活今昔館à天神橋筋商店街+天六食堂à地下鐵+近鐵à奈良公園+奈良東大寺à近鐵à高島屋百貨簡介、晚餐：難波地下街鰻魚飯、宵夜特集à燒賣、拉麵、章魚燒
離開今昔館同天神橋筋之後，我地再次返去地下鐵「天神橋筋六丁目」站，準備去奈良。
先講講交通
我地去日本橋轉車，因為「地下鐵」同「近鐵」係兩個唔同既鐵路系統，所以我地先在地鐵站出閘，然後再去近鐵車站。不過放心，兩個站好近，基本上呢頭出閘，跟住「近鐵」的指示牌方向，就已經到近鐵車站售票大堂。瞳瞳爸爸在買「環球影城門票」的時候，套票係包埋近鐵1 Day Pass，所以我地呢度就唔駛再買飛、亦都唔駛換票，直接把1 Day Pass放入票機就可以。
其實近鐵1 Day Pass可以來回「大阪<->奈良<=>京都」，只係我地用唔盡張pass，只去了奈良。
其實近鐵1 Day Pass可以來回「大阪<->奈良<=>京都」，只係我地用唔盡張pass，只去了奈良。
奈良有兩個車站:一個係「近鐵」，另一個係「JR」。不過兩個車站既位置都唔一樣，中間相差幾個街口。至於遊客常去的景點，例如春日大社、東大寺、奈良公園、奈良國立博物館、興福寺等等，都集中係「近鐵站」的一邊，所以我地就選擇左買近鐵pass啦! (下圖可見，紅線JR站、橙線係近鐵站、藍線係奈良的主要景點群)
由
STEP 1「地下鐵天神橋筋六丁目站」搭大阪市営堺筋線(天下茶屋行)到「地下鐵日本橋站」
STEP 2 然後由「地下鐵日本橋站」步行一分鐘到「近鐵日本橋站」
STEP 3「近鐵日本橋站」搭近鉄奈良線快速急行(近鉄奈良方向)到「近鐵奈良站」
車程大約45分鐘
 |
 |
| 往奈良的近鐵列車 |
 |
| 沿途都是小房子，不同大城市的景觀 |
抵達奈良，找「5號出口」，就可以到達搭巴士的地方。先說明一下，近鐵1 day pass係包括埋奈良的巴士，所以我地上車唔駛比錢，直接show張pass比司機睇就可以了! 我計劃先坐巴士到最入的地方 (東大寺)，然後慢慢行番出去近鐵站，咁就唔駛行回頭路，尤其帶住小朋友玩，咁會輕鬆好多，而且又體驗下日本巴士既經歷。我地去「東大寺」，所以在「1號巴士站」就可以等車啦!!
近鐵奈良站前的公車站台 (圖片來自:http://www.narakotsu.co.jp/language/tw/noriba/index.html)
| 觀光景點 | 乘車站台 | 公車編號 | 所需時間 | 下車站台（下車後步行時間） |
|---|---|---|---|---|
| 春日大社 | 1 | 2・6・72・160 | 5分 | 春日大社表參道（7分） |
| 70・97・98 | 8分 | 春日大社本殿（下車即到） | ||
| 東大寺 | 1 | 2・6・70・72・160 | 4分 | 大佛殿春日大社前（5分） |
| 70・97・98 | 5分 | 東大寺大佛殿（5分） |
 |
| 巴士站好清楚寫果堆巴士去咩方向，基本上所有停1號站既巴士都經過「東大寺」，所以唔駛特別記號碼。 |
 |
| 我地架巴士黎啦!! |
 |
| 車上有報站器，同香港一樣，所以唔駛擔心唔識落車。 |
 |
| 落車之後，左手邊公園入面有個洗手間，好大好乾淨，建議爸爸媽媽同小朋友去一去洗手間，因為之後都要行一段路程。 |
 |
洗手間外面就已經係奈良公園古樹群，沿頭先落車巴士車尾行，就係春日大社參道，由此可前往春日大社，不過我地唔入去，過馬路行去商店街。奈良餵鹿篇
係商店街，就可以見到專賣鹿餅既小攤檔，唔駛格價、亦都唔駛搵邊一間所謂「比較好」，因為佢地檔檔都係一樣，佢地為左保護鹿，所以全部劃一餵餅乾，一律150 yen!!
|
 |
 |
| 手上就係準備餵鹿既餅乾。 |
專登將行程押到咁後，係因為之前有朋友仔過料，話如果晏晝三四點先去奈良睇鹿，D鹿無咁狼死追住人，因為日頭已經比其他遊客餵飽哂。不過呢.......照我睇，唔一定啦，因為班鹿都真係幾狼死 XP，所以各位爸爸媽媽記得要陪同小朋友一齊餵，或者在近距觀察，最好兩三步可以跑到去小朋友身邊幫手隔開鹿仔啦!! 最重要教小朋友，如果場面失控，就要即刻扔低(放棄)餅乾自己走開，因為鹿仔係跟食物，唔會跟人的。
 |
| 現場所見，大部份的鹿都無鹿角，呢隻算少有，但更要小心提防。 |
 |
| 追我同咬我PAT PAT |
 |
 |
| 瞳瞳被鹿追圖 |
 |
| 水坑都有鹿，連佢地都要消暑呀! |
東大寺篇
等瞳瞳爸爸講下故仔先，佛寺是728年建立，距離而家就快一千三百年。因為建在舊首都「平城京」以東，所以被稱作東大寺。東大寺有咩咁特別呢? 東大寺建築巨大，佢係世界上最大既木建築。「木」又有咩問題呢? 就係容易火燭，其中發生過兩次大火，差不多將佛寺毀於一旦，當時既人就諗:「係咪因為東大寺建築得太過宏偉、美麗同完美，而招致天神妒忌，所以遭火災呢?」 於是木匠們在重建時，就在一根支柱上專登鑽多左個窿，亦因為呢個「缺憾」，而令到東大寺以後都未遇過毀滅性的大火災。
講返呢個窿，相傳話如果能夠捐得過去，就可以身體健康，瞳瞳爸爸唔敢試，因為身形龐大，亦唔想令到奈良少左個景點 XP
 |
| 東大寺南大門，好巨大! |
 |
| 東大寺大佛殿門票 600 yen |
 |
| 終於到達東大寺 |
 |
 |
| 瞳瞳成功捐到! |
 |
| 入鄉隨俗，參觀順利! 旅途順利! 身體健康! |
 |
| 天氣好熱，去買杯刨冰食先 |
離開東大寺，沿路退出，經過剛才走過的商店街。原本打算行路返近鐵站，但天氣十分炎熱，而且我地有PASS，都係搭番巴士走，商店街出口處有巴士站就可以離開。
 |
| 奈良巴士 |
 |
| 巴士內有鹿的公仔。一家三口! |
 |
| 「近鐵奈良」旁邊的商店街。 |
 |
| 近鐵奈良返歸，直接坐到近鐵難波，唔駛轉車，大約45分鐘車程，就返到我地酒店樓下了! |
2. 東大寺入場: 大人600 yen一位; 餵鹿餅乾 150 yen。
3. 教小朋友，萬一餵鹿果陣場面失控，就要扔低(放棄)餅乾自己走開，因為鹿仔係跟食物，唔會跟人的。
返到酒店抖下，夜晚去地下街食飯..........(待續)
延伸閱讀：
[新手必看]Day1大阪奈良6日5夜親子之旅全攻略(4之1. 香港飛台北到大阪，相機失而復得，轉機其實好簡單!!)
[新手必看]Day1大阪奈良6日5夜親子之旅全攻略(4之2. 搭上外形極似鐵人28的南海電鐵Rapi:t直奔大阪市難波站)
[新手必看]Day1大阪奈良6日5夜親子之旅全攻略(4之3. 極盡地利、飽覽大阪市的swissotel NANKAI OSAKA 南海大阪瑞士酒店)
[新手必看]Day1大阪奈良6日5夜親子之旅全攻略(4之4. 日本第一餐:「燒肉力丸」放題)
[新手必看]Day2大阪奈良6日5夜親子之旅全攻略(2之1. 大阪環球影城:教你不用花一分錢買任何Express、不用園內撲入園劵，輕輕鬆鬆進入哈利波特的世界)
[新手必看]Day2大阪奈良6日5夜親子之旅全攻略(2之2. 大阪必到固力果招牌、網友激讚的平價抵食之選: 赤垣屋迴轉壽司)
[新手必看]Day3 大阪奈良6日5夜親子之旅全攻略(3之1. 嘆住冷氣和服體驗之大阪生活今昔館、日本最長商店街天神橋筋+天六食堂)
[新手必看]Day3 大阪奈良6日5夜親子之旅全攻略(3之2. 鹿的世界，瞳瞳爸爸講故事@東大寺 奈良公園+東大寺)
[新手必看]Day3 大阪奈良6日5夜親子之旅全攻略(3之3. 高島屋百貨簡介、晚餐: 難波地下街鰻魚飯、宵夜特集:燒賣、拉麵、章魚燒)
[新手必看]Day4 大阪奈良6日5夜親子之旅全攻略(2之1. DIY日清杯麵之旅、一風堂拉麵)
[新手必看]Day4 大阪奈良6日5夜親子之旅全攻略(2之2.梅田「大丸百貨TOMICA+SANRIO專門店」、觸得到的海洋世界「海遊館」、国産牛焼肉食べ放題)
[新手必看]Day5 大阪奈良6日5夜親子之旅全攻略(6/8 酒店＞漫遊道頓堀＞蟹道樂＞善導寺＞黑門市場＞日本藥品網頁介紹＞ 瞳瞳與屎屎人的趣事)
[新手必看]Day6 大阪奈良6日5夜親子之旅全攻略(7/8 中華航空大阪經台北返回香港+和颱風蘇迪羅鬥快+親子之旅小總結)
沒有留言:
張貼留言