大阪奈良6日5夜親子之旅! GO !
5/8 酒店à地下鐵+阪急à池田インスタントラーメン発明記念館(日清即食麵紀念館)+一風堂拉麵à阪急à梅田+SANRIO+TOMICA專門店à地下鐵à海遊館+天保山購物中心à地下鐵à 国産牛焼肉食べ放題
離開池田DIY杯麵，我地搭返之前坐的「阪急寶塚線」到「梅田」，反正都要轉車，就趁轉車之利，我地上一上去大丸百貨，果度有齊哂女孩子喜歡的SANRIO大阪專門店(5/F)同 男孩子喜歡的TOMICA SHOP大阪專門店(13/F)。
出站之後，無指示牌有「大丸百貨」，所以先要搵「JR大阪（梅田）車站」的指示牌，因為大丸百貨正正就係JR站的上蓋，中間要離開阪急車站，走到街上並橫過馬路才到。
SANRIO大阪專門店(5/F)
老婆兜左個圈，店內主力一定係HELLO KITTY，仲有近期人氣爆燈既「蛋黃哥」，但未見到有好特別的貨品，老婆好失望，因為搵唔到最鍾意既Ahiru no Pekkle鴨仔。
 |
| SANRIO 大阪專門店 |
TOMICA大阪專門店(13/F)
男仔鍾意車仔，梗係要去TOMICA「朝聖」，Tomica shop有兩樣特別野，1. 買大阪店獨有的產品 (可惜我自己揀唔岩) + 2. DIY砌車工場(648 yen一架)。
如果要買tomica車仔，正常的no.1-120，Tomica 專門店要賣648 yen，Bic camera只要315 yen!!!足足平成一半呀!!! 我都中伏呀!! 始終第一次來朝聖，當「添香油」，之後唯有去Bic camera掃多D，「溝淡」去........
 |
| 必看! OSAKA分店專有特別車。 |
 |
| DIY砌車仔 |
加送: 東京HANDS (12/F)
東京HANDS係家品店，就在大丸百貨內一個角落，分佈在10/F至12/F三層，當中12/F一層有賣入浴劑的貨架，終於比我地搵到「多啦A夢」入浴劑，六款全齊，而家陸續試緊架啦~ (249 yen 一包)
 |
| 搵到真係幾開心，慢慢試緊啦~~~~ |
離開大丸百貨，行番去阪急車站果邊，然後搵「地下鐵」的指示牌，我地由
當中只需要轉1次車
STEP 1「地下鐵梅田站」 搭大阪市営御堂筋線(なかもず方向)到「地下鐵本町站」
STEP 2 於「地下鐵本町站」 轉大阪市営中央線(コスモスクエア方向)到「地下鐵大阪港站」
當中只需要轉1次車
「海遊館」是關西地區出名的水族館，以模擬太平洋海底地界為賣點，特別係館內有世界上最大的魚類－鯨鯊。然而，當中最吸引我地去既就係可以親手接觸海洋生物 - 魔鬼魚、小鯊魚，機會難得，香港絕對無呢個體驗，呢度係一個好好為小朋友進行生態教育的地方。門票詳情如下:
大阪港站出站後，會見到好多海遊館既指示，由車站行去海遊館，大約15-20分鐘 (問心都真係幾遠下!!!!)。
 |
| 海遊館既指示 |
 |
| legoland 長頸鹿 |
 |
| 外觀設計好似魚尾巴既「海遊館」 |
 |
| 入場門票 |
 |
| 近距離見到海洋生物 |
 |
| 加洲海獅 |
 |
| 企鵝 |
 |
| 張相無調轉，佢真係咁游架.... |
鯨鯊
 |
| 可以輕輕鬆鬆坐住睇海洋生物 |
 |
| 瞳瞳扮水獺 |
 |
| SORRY! 以上兩幅圖唔知點解諗起自助餐... |
 |
| 水族館內的小賣店，係一家大細小休好地方，望出去可以見到大阪港港口。 |
 |
| 水中小天使 - 流水天使，亦係海遊館內另一種「省招牌」的海洋生物，係一種浮游軟體動物。 |
到伸手體驗觸摸海洋生物既體驗，首先要清洗雙手才可以掂！同埋一定要有大人陪同。主要有兩種海洋生物可以觸摸:小鯊魚同魔鬼魚，場內有告示告知不可觸摸魔鬼魚的尾巴，因為有刺及可能有毒，要非常小心。
 |
| 大家都好期待呢次體驗 |
 |
| 小朋友勁開心 |
 |
| 大朋友都好開心 |
 |
| 感覺「鞋鞋」地 |
 |
| 瞳瞳魚 |
 |
| 爸爸魚 |
 |
| 最後就係行紀念品店啦!! |
行程大家預算最少兩小時左右，我地就大約4點入，6點左右離開，「海遊館」旁邊有「天保山購物中心」，入面有美食廣場、新開既LEGOLAND，不過時間太晏我地唔入去啦。購物中心外仲有一個「天保山摩天輪」，買「摩天輪+海游館」門票有優惠的，若果時間尚早，不妨先玩摩天輪，然後再入「海遊館」。
最後我地坐返地下鐵大阪港(中央線)=> 地下鐵本町站 (轉車)
地下鐵難波站 (御堂筋線) => 地下鐵難波站
STEP 1 「地下鐵大阪港站」搭大阪市営中央線(学研奈良登美ヶ丘行方向)到「地下鐵本町站」
STEP 2 於「地下鐵本町站」 搭大阪市営御堂筋線(天王寺方向)到「地下鐵難波（なんば）站」
STEP 2 於「地下鐵本町站」 搭大阪市営御堂筋線(天王寺方向)到「地下鐵難波（なんば）站」
當中只需要轉1次車
返到酒店抖一抖，準備食晚餐...........
休息下再出黎，已經夜晚七點多，瞳瞳媽媽話想再試番第一日食唔到既「国産牛焼肉食べ放題」。啱啦!!!見今日大家都累，都係時候可以開懷大吃一餐，去到正門服務生告知要2045先可以安排到入坐，而LAST ORDER 在2230，2300關門，問我地有無問題.....無問題，驚無得食啫!
我地就係附近行下，去藥妝格價，直到2045返餐廳，服務生就安排入座了~ 「国産牛焼肉食べ放題」同之前一間「燒肉力丸」一樣，同樣是放題路線，價位3480 yen，連稅連任飲無酒精飲品，大約4200 yen左右，好簡單講一講兩間分別，如果講燒肉好味程度同種類，呢間係好味D同有海產類可以選擇，其他大致上都平手，值得一提係甜品呢part，呢度甜品外觀靚好多，但每人只可以柯打一次。
 |
| 有兒童餐具 |
 |
| 燒肉一定要用「菜」包住一齊食，無咁「漏」，又健康D (自我感覺良好) |
 |
| 呢度有海產類可以燒，另一間欠奉，魷魚好好味!! |
 |
| 甜品好靚、好有心思，但每人限點一次。 |
有用資料:
1. 大阪SANRIO專門店 営業時間 10：00～20：00
2. 大阪TOMICA專門店 営業時間 10：00～20：00
3. 大丸百貨梅田店
4. 海遊館 営業時間 10：00～20：00
http://www.kaiyukan.com/index.html
5. 「国産牛焼肉食べ放題」
地址: 府大阪市中央区千日前2-8-17 ナンバオリエンタルホテル1F
http://r.gnavi.co.jp/k190311/
5. 「国産牛焼肉食べ放題」
地址: 府大阪市中央区千日前2-8-17 ナンバオリエンタルホテル1F
http://r.gnavi.co.jp/k190311/
延伸閱讀：
[新手必看]Day1大阪奈良6日5夜親子之旅全攻略(4之1. 香港飛台北到大阪，相機失而復得，轉機其實好簡單!!)
[新手必看]Day1大阪奈良6日5夜親子之旅全攻略(4之2. 搭上外形極似鐵人28的南海電鐵Rapi:t直奔大阪市難波站)
[新手必看]Day1大阪奈良6日5夜親子之旅全攻略(4之3. 極盡地利、飽覽大阪市的swissotel NANKAI OSAKA 南海大阪瑞士酒店)
[新手必看]Day1大阪奈良6日5夜親子之旅全攻略(4之4. 日本第一餐:「燒肉力丸」放題)
[新手必看]Day2大阪奈良6日5夜親子之旅全攻略(2之1. 大阪環球影城:教你不用花一分錢買任何Express、不用園內撲入園劵，輕輕鬆鬆進入哈利波特的世界)
[新手必看]Day2大阪奈良6日5夜親子之旅全攻略(2之2. 大阪必到固力果招牌、網友激讚的平價抵食之選: 赤垣屋迴轉壽司)
[新手必看]Day3 大阪奈良6日5夜親子之旅全攻略(3之1. 嘆住冷氣和服體驗之大阪生活今昔館、日本最長商店街天神橋筋+天六食堂)
[新手必看]Day3 大阪奈良6日5夜親子之旅全攻略(3之2. 鹿的世界，瞳瞳爸爸講故事@東大寺 奈良公園+東大寺)
[新手必看]Day3 大阪奈良6日5夜親子之旅全攻略(3之3. 高島屋百貨簡介、晚餐: 難波地下街鰻魚飯、宵夜特集:燒賣、拉麵、章魚燒)
[新手必看]Day4 大阪奈良6日5夜親子之旅全攻略(2之1. DIY日清杯麵之旅、一風堂拉麵)
[新手必看]Day4 大阪奈良6日5夜親子之旅全攻略(2之2.梅田「大丸百貨TOMICA+SANRIO專門店」、觸得到的海洋世界「海遊館」、国産牛焼肉食べ放題)
[新手必看]Day5 大阪奈良6日5夜親子之旅全攻略(6/8 酒店＞漫遊道頓堀＞蟹道樂＞善導寺＞黑門市場＞日本藥品網頁介紹＞ 瞳瞳與屎屎人的趣事)
[新手必看]Day6 大阪奈良6日5夜親子之旅全攻略(7/8 中華航空大阪經台北返回香港+和颱風蘇迪羅鬥快+親子之旅小總結)
thank you for sharing information about TOMICA :)
回覆刪除Thank you so much ^^
刪除