【日本、大阪、奈良】[新手必看]Day2 6日5大阪奈良夜親子遊全攻略(2之2. 大阪必到固力果招牌、網友激讚的平價抵食之選: 赤垣屋迴轉壽司)

大阪奈良6日5夜親子之旅! GO !

3/8     酒店 => JR => 環球影城 => 酒店 => 閒逛心齋橋固力果招牌 => 晚餐赤垣屋迴轉壽司

齊齊和固力果公仔來個合照吧!! YEAH!!

去完環球影城，一家三口玩(行)到散哂，在酒店叉足電之後，夜晚我地又出動，打算摸一摸熟自己住的附近，有個概念就好行好多，我地酒店地下正門(日本的地下係叫1/F)，就對住「南海通」同「戒橋筋」，先介紹「南海通」，佢另一端的出口正正就係另一景點「黑門市場」，食肆大多數在南海通，入面有「金龍拉麵」既分店、一陣會介紹的赤垣屋迴轉壽司、麥當勞、BURGER KING、吉野家之類。至於「戒橋筋」就有「0101百貨」、一大堆藥妝、鞋店、飾物店，盡頭就係「戎橋」，亦即係地標固力果招牌啦!

「戒橋筋」(左)及「南海通」(右)

如果去藥妝買野，就一定要黎呢間(一定要認住招牌，有好多分店)，休足時間 478 YEN 免稅，出面要起碼500 YEN以上，根據我地呢幾日既經驗，基本上呢間同BIC CAMERA互相格價就OK!!

道頓堀名物: 食倒太郎

行到去另一食店「蟹道樂」

人頭湧湧，夾雜好多國語同廣東話....

道頓堀川。左手邊有個巨型黃色建築，就係樓高六層、24小時營業、專賣零食、藥品、衣服等等的「唐吉軻德 donkihote 激安殿堂」

今次瞳瞳爸爸介紹一間又平又抵食既迴轉壽司比大家。我地由「戒橋筋」退出，行回原有的路，轉到去「南海通」，找到了「赤垣屋迴轉壽司」。門口標示「129 yen 一碟」(部份貴價壽司要280 yen)，只係港紙大約$8左右，香港壽司店最平果種玉子壽司都要$13碟。赤垣屋主要分兩層，地下是迴轉壽司，樓上是做日式料理，我們一進去，店員就很勤快安排我們入座，然後問我地CHINESE定ENGLISH，我就回答CHINESE，咁佢就會比中文餐牌我地，圖文並茂，好EASY! 你同樣可以向店員落柯打，然後由師傅即刻整比你，我發覺佢落柯打之後上菜都好快，基本上落單後唔駛一分鐘就可以比到我地，真係好快手!! 食物質素好好，好新鮮，鮪魚入口即溶，好似唔駛咬咁，結果我地encore左3次，另外佢有隻「魚腸壽司」，原來好爽口，估唔到佢都幾大膽同前衛。

紅色衫呢位伯伯應該係資深老師傅，好慶幸坐到佢前面，因為佢整好既壽司都係我地面前放上迴轉盤。

鮪魚壽司 (吞拿魚壽司)

玉子壽司

燒帶子壽司

大蝦壽司

最後我地一共食左25碟壽司，好滿足啊!

有用資料:

1. 全部係迴轉檯，無我地香港所謂既「柯打檯」

2. 壽司內無預先將WASABI放入去，所以小朋友可以安心食用!

3. 只接受現金埋單，CASH ONLY~

赤垣屋迴轉壽司

地址 :大阪市中央区難波3丁目1-16　2・3階

営業時間 ※1階は回転寿司です。詳細は店舗紹介の回転寿司をご覧下さい。	平日	17:00～23:00　（ｵｰﾀﾞｰｽﾄｯﾌﾟ 22:30）
	祝日の金・土	12:00～23:00　（ｵｰﾀﾞｰｽﾄｯﾌﾟ 22:30）
	日・上記以外祝日	12:00～22:00　（ｵｰﾀﾞｰｽﾄｯﾌﾟ 21:30） ※月曜日が祝日の場合は23：00まで

網頁: http://www.akagakiya.com/index.html

延伸閱讀：

[新手必看]Day1大阪奈良6日5夜親子之旅全攻略(4之1. 香港飛台北到大阪，相機失而復得，轉機其實好簡單!!)

http://tungbama.blogspot.hk/2015/08/day165.html

[新手必看]Day1大阪奈良6日5夜親子之旅全攻略(4之2. 搭上外形極似鐵人28的南海電鐵Rapi:t直奔大阪市難波站)

http://tungbama.blogspot.hk/2015/08/day16528rapit.html

[新手必看]Day1大阪奈良6日5夜親子之旅全攻略(4之3. 極盡地利、飽覽大阪市的swissotel NANKAI OSAKA 南海大阪瑞士酒店)

http://tungbama.blogspot.hk/2015/08/day1653-swissotel-nankai-osaka.html

[新手必看]Day1大阪奈良6日5夜親子之旅全攻略(4之4. 日本第一餐:「燒肉力丸」放題)

http://tungbama.blogspot.hk/2015/08/day1654.html

[新手必看]Day2大阪奈良6日5夜親子之旅全攻略(2之1. 大阪環球影城:教你不用花一分錢買任何Express、不用園內撲入園劵，輕輕鬆鬆進入哈利波特的世界)

http://tungbama.blogspot.hk/2015/08/day26521-express.html

[新手必看]Day2大阪奈良6日5夜親子之旅全攻略(2之2. 大阪必到固力果招牌、網友激讚的平價抵食之選: 赤垣屋迴轉壽司)

http://tungbama.blogspot.hk/2015/08/day26522.html

[新手必看]Day3 大阪奈良6日5夜親子之旅全攻略(3之1. 嘆住冷氣和服體驗之大阪生活今昔館、日本最長商店街天神橋筋+天六食堂)

http://tungbama.blogspot.hk/2015/08/day26531.html

[新手必看]Day3 大阪奈良6日5夜親子之旅全攻略(3之2. 鹿的世界，瞳瞳爸爸講故事@東大寺 奈良公園+東大寺)

http://tungbama.blogspot.hk/2015/08/day3-6532.html

[新手必看]Day3 大阪奈良6日5夜親子之旅全攻略(3之3. 高島屋百貨簡介、晚餐: 難波地下街鰻魚飯、宵夜特集:燒賣、拉麵、章魚燒)

http://tungbama.blogspot.hk/2015/08/day3-6533.html

[新手必看]Day4 大阪奈良6日5夜親子之旅全攻略(2之1. DIY日清杯麵之旅、一風堂拉麵)

http://tungbama.blogspot.hk/2015/08/day4-6541-diy.html

[新手必看]Day4 大阪奈良6日5夜親子之旅全攻略(2之2.梅田「大丸百貨TOMICA+SANRIO專門店」、觸得到的海洋世界「海遊館」、国産牛焼肉食べ放題)

http://tungbama.blogspot.hk/2015/08/day4-6522tomicasanrio.html

[新手必看]Day5 大阪奈良6日5夜親子之旅全攻略(6/8 酒店＞漫遊道頓堀＞蟹道樂＞善導寺＞黑門市場＞日本藥品網頁介紹＞ 瞳瞳與屎屎人的趣事)

http://tungbama.blogspot.hk/2015/08/day5-6568-aaaaaa.html

[新手必看]Day6 大阪奈良6日5夜親子之旅全攻略(7/8 中華航空大阪經台北返回香港+和颱風蘇迪羅鬥快+親子之旅小總結)

http://tungbama.blogspot.hk/2015/08/day6-6578.html