【台灣、宜蘭、花蓮、台東、高雄】[2014 不一樣的7天自駕親子遊]Day 2 2之2 豆腐岬17 午餐(蘇澳)＞南方澳漁港(蘇澳)＞南方澳觀景台(蘇澳)＞花蓮自強夜市

我地繼續行程，唔好比佢停～哈～　上一篇我地就行左：崔記早點吃早餐(宜蘭)＞幾米廣場(宜蘭)＞菓風工房(宜蘭)　以上三個地方係我地上午的行程。

下午行程我地就去　豆腐岬17 午餐(蘇澳)＞南方澳漁港(蘇澳)＞南方澳觀景台(蘇澳)＞花蓮自強夜市　（花蓮住宿會另文介紹）

我地夜晚會住花蓮，所以開始南下向花蓮出發，中間我地會去南方澳附近午飯，玩住咁落去，唔駛一程長途車咁辛苦，當中最開心就係見到大海了。由菓風工房開車大約45分鐘就到lunch餐廳「豆腐岬17」，餐廳門口就有好大的地方可以泊車。

進入南方澳漁港

係呢度已經見到大海，好靚！

人+車+海

因為好想食海鮮，我地深入豆腐岬，終於到達目的地：「豆腐岬17餐廳」。餐廳附近都是船廠，估唔到會有一間餐廳深藏於此，餐廳外觀是平房，又好像船廠一樣，樓底特高。

豆腐岬

到達餐廳了，門口有泊車地方。

好霸氣的門面～

我地要在大門位置先點菜，我地點左：刺身、灼蝦、炒蜆、高麗菜 及 炒飯。海鮮都算新鮮，不過味道就普通一點，印象唔太深刻。總之吃個飽飽，一陣還有長車程(去花蓮)。

食飽飽先～

趁有時間，去埋附近的「南方澳漁港」。南方澳漁港一樣有好多海鮮食肆，就好似我地香港既西貢咁，有好多漁船停泊。雖然食到飽飽，最後都忍唔住試食當地名產：「飛虎魚丸」同「綜合煙」。

一於試下當地名產：「飛虎魚丸」同「綜合煙」。

「飛虎魚丸」：「飛虎」其實係一個叫「鬼頭刀」的魚種，後來店家加以改良，加入豬肉材料，好似我地醬爆丸，但口感似貢丸，但又無牛丸咁硬。唔錯，好好味！

「綜合煙」其實係一個併盤，就集合有：魚蛋、透抽、曼波魚、鯊魚肚、鯊魚煙。當中有一個叫「透抽」既勁好食、好似啫喱咁。

「南方澳漁港」係俾大家到便利店補給的機會，之後就要一段長車程了。出發接回國道，繼續向花蓮前進，約10分鐘左右車程，就會經過「南方澳觀景台」，大家可以落車欣賞下風景，觀景台有數個望遠鏡，風勢亦都好勁，記得帶件外套落車。呢度可以俯瞰整個南方澳漁港，而大海就係太平洋，一直望就係美國西岸方向啦～～～

南方澳漁港

又越過高山又越過谷，由宜蘭去花蓮的路就係圖中咁樣，一時海邊、一時山崖、一時隧道、一時山路，行左整整3小時才到花蓮的旅店。

我地花蓮會住兩個晚上，揀左花蓮的旅店 - 「海中天會館」，同樣都係民宿，呢間我地住得好開心，另文再同大家詳細介紹。

我地擺好行李，就出去行花蓮自強夜市，不過夜車泊車不好泊，要在附近的街邊泊，大家要好小心，留意邊個位泊得同唔泊得。

提一提大家，原有的花蓮自強夜市，已經遷至東大門夜市，著名的食店不變，地址是「台灣花蓮縣花蓮市中山路50號」

花蓮自強夜市

我地先食十安士牛扒

TWD $200 湯、飲品、全部自取，好抵食～～

蔣家官財板

夜市名店，網上推介的梨絡牛乳，個人就覺得一般吧

全場最串......串燒要等50分鐘，所以建議大家先柯打，行完夜市，再取.....

拎住呢個牌仔得拎野食

燒魷魚

蚵仔煎

臭豆腐

有用資料: 

1. 南方澳豆腐岬17海鮮餐廳

電話：+886 3 997 2568

地址：台灣宜蘭縣蘇澳鎮造船路47號

營業時間：11:00 - 20:00

網頁：http://www.lucky17.com.tw/about.html

2. 花蓮自強夜市(遷至東大門夜市)

地址：花蓮縣花蓮市中山路50號(東大門夜市)

網頁：http://www.hualienrainbow.com/

延伸閱讀：

[2014 不一樣的宜蘭、花蓮、台東、高雄7天自駕親子遊]Day 1 2之2 羅東戀館民宿、羅東夜市

http://tungbama.blogspot.hk/2017/07/2014-7day-1-22.html

[2014 不一樣的宜蘭、花蓮、台東、高雄7天自駕親子遊]Day 1 2之1 香港去台北(商務位)、宜蘭大湖風景遊樂區找<睡天使醒惡魔>台灣朋友

http://tungbama.blogspot.hk/2017/07/2014-7day-1-21.html

[2014 不一樣的宜蘭、花蓮、台東、高雄7天自駕親子遊]Day 2 2之1 崔記早點(宜蘭)、幾米廣場(宜蘭)、菓風工房(宜蘭)

http://tungbama.blogspot.hk/2017/07/2014-7day-2-21.html

[2014 不一樣的宜蘭、花蓮、台東、高雄7天自駕親子遊]Day 2 2之2 豆腐岬17 午餐(蘇澳)＞南方澳漁港(蘇澳)＞南方澳觀景台(蘇澳)＞花蓮自強夜市

http://tungbama.blogspot.hk/2017/07/2014-7day-2-22-17.html

[花蓮酒店推介][2014 不一樣的宜蘭、花蓮、台東、高雄7天自駕親子遊]270度無敵海景 - 海中天會館http://tungbama.blogspot.hk/2017/07/270.html

[2014 不一樣的宜蘭、花蓮、台東、高雄7天自駕親子遊]Day 3 花蓮遠雄海洋公園

http://tungbama.blogspot.hk/2017/07/2014-7day-3.html

[2014 不一樣的宜蘭、花蓮、台東、高雄7天自駕親子遊]Day 4 3之1 台灣靚米之鄉：池上鄉、尋找金城武的「伯朗大道」、食池上米「碗公餐」

http://tungbama.blogspot.hk/2017/07/2014-7day-4-31.html

[2014 不一樣的宜蘭、花蓮、台東、高雄7天自駕親子遊]Day 4 3之2 台東大草原：初鹿牧場，與動物零距離接觸

http://tungbama.blogspot.hk/2017/07/2014-7day-4-32.html

[台東太麻里鄉酒店推介][2014 不一樣的宜蘭、花蓮、台東、高雄7天自駕親子遊]Day 4 3之3 太麻里鄉金崙「一田屋溫泉」http://tungbama.blogspot.hk/2017/07/2014-7day-4-33.html

[2014 不一樣的宜蘭、花蓮、台東、高雄7天自駕親子遊]Day 5 大武山生態教育館 & 全台最美車站-「多良車站」

http://tungbama.blogspot.hk/2017/08/2014-7day-5.html


[2014 不一樣的宜蘭、花蓮、台東、高雄7天自駕親子遊]Day 6 高雄科工館 = 科學館的究極加強版，地震體驗不要錯過
http://tungbama.blogspot.com/2018/06/blog-post.html