香港海洋公園相信大家都去過，今次我地帶大家去的花蓮的海洋公園，無論規模、觀賞性同好玩的程度，都比香港的更多野睇，如果大家嚟到花蓮，「花蓮遠雄海洋公園」到為親子遊必到景點。
介紹下呢個地方先，「遠雄海洋公園」座落於東海岸風景區（花蓮縣壽豐鄉鹽寮村），面向太平洋，總面積達51公頃，由遠雄企業團(FARGLORY GROUP)投資150億元，集主題樂園、自然景觀公園、五星級休閒飯店為一體。遠雄海洋公園的有八大主題區：海洋村、探險島、海洋劇場、嘉年華歡樂街、海盜灣、布萊登海岸、海底王國以及水晶城堡。還有四大主題表演 — 超級人氣冠軍王水中精靈「海豚秀」、可愛逗趣「晃晃海獅秀」、全台唯一「海洋哺乳動物生態教室」互動體驗與耗資三千萬打造的水晶城堡超強卡司『奇妙海洋‧震撼登場』。
 |
| 「花蓮遠雄海洋公園」地圖 |
花蓮遠雄海洋公園離我地好市民宿海中天會館好近，開車只要5分鐘左右就已經黎到了。呢度有個多層停車場比大家泊車，都算好多車位。而我地之前已委託民宿主人幫我地訂門劵，叫做平少少，哈！我地就拎住民宿買的兌換劵，係入口處窗口換返真正既入場劵。
 |
| 「遠雄海洋公園」招牌 |
 |
| 兌換劵 |
 |
| 去到入口處換真正入場劵 |
呢度地方好大，但人唔算多，唔會覺得擠擁，而且當日係平日，我地一家最鍾意人少少咁玩。我地部BB手推車係向樂園的顧客服務台借，要押金或者留低Passport做抵押，完整無缺還返手推車就可以取回全數押金或者拎返Passport。瞳瞳爸爸就建議大家盡量比押金好過比Passport，始終Passport係個人資料兼避免遺失，其實台灣好多地方如主題公園、動物園、大型購物中心等等都有得借，而且都好乾淨企理，咁我地就可以輕鬆走。
 |
| 當日天氣好熱，路邊有小花灑幫遊人降溫。 |
一上去就係類似商店街的地方，有好多精品賣，唔駛急，行完玩哂先買，唔駛拎住行。
 |
| 呢個水池示範緊手上玩具，我地都比條會游水既鯨魚玩具吸引左 |
 |
| 個池係可以比小朋友玩，放心！ |
 |
| 商店一角 |
入場的時候，佢派左張免費影相的優惠劵比我地，我地就唔執輸，用左佢啦！影得都OK！
原來探險島係大型海洋館，呢度的海洋生物都可以好近距離咁接觸，而且室內有冷氣，可以避一避暑抖下。
我地仲見到奇妙的鯊魚蛋，入面的鯊魚胎兒會動的。
 |
| 小鯊魚 |
 |
| 海豹 |
 |
| 海洋館代表 - 王博士, 教係認識海洋生物 |
 |
| 奇妙的鯊魚蛋，入面的鯊魚胎兒會動的。 |
 |
| 鸚鵡螺 |
 |
| 人的比例.... |
 |
| 好大條魔鬼魚 |
離開海洋館前，我地會經過呢條自動行人步道，抬頭就係水族館的底部，同樣可以見到好多海洋生物。
上到去就坐纜車，由於我地推BB車，所以有特快通道及只能坐5,10,15車廂。當纜車來到，我們完全不用擔心，工作人員先叫我地坐下，由佢地負責搬運BB車，落車都係由佢地負責，大家不用手忙腳亂，Very nice。纜車車程約5分鐘，可以俯瞰整個樂園，仲可以見到太平洋。
纜車之後，我地就到「兒童王國」，點都要同阿囡玩下，有好多種唔同程度機動遊戲自已選擇，但係瞳瞳媽媽，竟然帶我個三歲瞳瞳玩過山車，可惡呀～～～～～～～～～～
 |
| 呢個原來Fing到X%$&#)@&^%* (年紀細的小朋友唔好玩) |
 |
| 老婆同阿囡玩過山車，令我好擔心～ |
 |
| 但原來有好多細細個小朋友都係咁玩～ |
 |
| 排隊玩機動遊戲 |
夾岩時間，就去睇海豚表演，我地覺得比香港海洋公園好睇得多，因為好互動，海豚會用尾巴將一個大波拍向我地看台，我地又再扔返去水池，真係好好玩，所以開場之前主持呼籲大家收埋手機相機就係咁解，原來有咁既野玩。（所以影相也不多）另外就係所有內容都唔似一個表演，而係教你去認識海豚。
 |
| 好多人等開場，我地坐第一排～ |
 |
| 個MON影到我地，你地搵唔搵到呢？ |
之後帶瞳瞳去餵海獅，收費為TWD 150(2014年)。平時在香港無幾可有呢D機會架！餵海獅的食物係有魚塊、果凍，而我地亦都要跟足指示，在餵食之前要消毒雙手。
最後我地仲有機會同海獅KISS，是要收費的，但一時間忘記了價錢，呢D機會在香港比錢都買唔到，比海獅KISS果下，佢D「鬍鬚」都幾拮下。佢地好好，錫哂我地三個人。
公園入面有餐廳、有快餐，各色各樣都有，用餐問題就不用擔心～整個「花蓮遠雄海洋公園」可以玩足足一整天，而且據聞仲一路擴建中，我地去的只係公園已發展的一小部份，所以我地期待下次再來！呢度有機動遊戲、又有海洋動物睇，真係啱哂一家大細嚟玩，記得呢度要預留一日時間呀！
 |
| 此刻無價 |
1. 花蓮遠雄海洋公園
電話：(03)8123-199
地址：974 花蓮縣壽豐鄉鹽寮村福德189號
營業時間：09：30 ~ 17：00
延伸閱讀：
[2014 不一樣的宜蘭、花蓮、台東、高雄7天自駕親子遊]Day 1 2之2 羅東戀館民宿、羅東夜市
[2014 不一樣的宜蘭、花蓮、台東、高雄7天自駕親子遊]Day 1 2之2 羅東戀館民宿、羅東夜市
[2014 不一樣的宜蘭、花蓮、台東、高雄7天自駕親子遊]Day 1 2之1 香港去台北(商務位)、宜蘭大湖風景遊樂區找<睡天使醒惡魔>台灣朋友
[2014 不一樣的宜蘭、花蓮、台東、高雄7天自駕親子遊]Day 2 2之1 崔記早點(宜蘭)、幾米廣場(宜蘭)、菓風工房(宜蘭)
[2014 不一樣的宜蘭、花蓮、台東、高雄7天自駕親子遊]Day 2 2之2 豆腐岬17 午餐(蘇澳)＞南方澳漁港(蘇澳)＞南方澳觀景台(蘇澳)＞花蓮自強夜市
[花蓮酒店推介][2014 不一樣的宜蘭、花蓮、台東、高雄7天自駕親子遊]270度無敵海景 - 海中天會館http://tungbama.blogspot.hk/2017/07/270.html
[2014 不一樣的宜蘭、花蓮、台東、高雄7天自駕親子遊]Day 3 花蓮遠雄海洋公園
[2014 不一樣的宜蘭、花蓮、台東、高雄7天自駕親子遊]Day 4 3之1 台灣靚米之鄉：池上鄉、尋找金城武的「伯朗大道」、食池上米「碗公餐」
[2014 不一樣的宜蘭、花蓮、台東、高雄7天自駕親子遊]Day 4 3之2 台東大草原：初鹿牧場，與動物零距離接觸
[台東太麻里鄉酒店推介][2014 不一樣的宜蘭、花蓮、台東、高雄7天自駕親子遊]Day 4 3之3 太麻里鄉金崙「一田屋溫泉」http://tungbama.blogspot.hk/2017/07/2014-7day-4-33.html
[2014 不一樣的宜蘭、花蓮、台東、高雄7天自駕親子遊]Day 5 大武山生態教育館 & 全台最美車站-「多良車站」
http://tungbama.blogspot.hk/2017/08/2014-7day-5.html
[2014 不一樣的宜蘭、花蓮、台東、高雄7天自駕親子遊]Day 6 高雄科工館 = 科學館的究極加強版，地震體驗不要錯過
http://tungbama.blogspot.com/2018/06/blog-post.html
[2014 不一樣的宜蘭、花蓮、台東、高雄7天自駕親子遊]Day 6 高雄科工館 = 科學館的究極加強版，地震體驗不要錯過
http://tungbama.blogspot.com/2018/06/blog-post.html
沒有留言:
張貼留言