【台灣、宜蘭、花蓮、台東、高雄】[2014 不一樣的宜蘭、花蓮、台東、高雄7天自駕親子遊]Day 4 3之2 台東大草原：初鹿牧場，與動物零距離接觸

第4天行程，離開花蓮，繼續南下，往台東方向去：

海中天會館checkout＞池上伯朗大道＞稻米原鄉館(公碗餐)＞初鹿牧場(騎馬+餵奶小牛)＞太麻里鄉金崙一田屋溫泉(住宿)

我地會分開三篇介紹，今次介紹初鹿牧場(騎馬+餵奶小牛)，好啱小朋友去。


「初鹿牧場」本身係台灣一個著名的鮮乳產品，而真真正正的「初鹿牧場」(養乳牛的地方)就在台東，而家已經成為台東地區歷史最久遠的大型觀光牧場。牧場位於一片海拔200至390公尺之間的高台地上，由於山坡平緩，排水良好，且雨量豐沛，氣候溫和，牧場裡種植了大面積的熱帶盤固拉牧草作為乳牛的食草。

我地食飽飽離開池上，坐一小時車程，就到初鹿牧場啦！呢一小時的車程，瞳瞳同瞳瞳媽媽飯氣攻心，好好補眠，我就辛苦啦，揸車頂足全程～

去到初鹿牧場，入停車場前的更亭，已經要收費及買門票，詳情如下：

2017年的價錢

牧場地圖

 

牧場入面我地有買到一種叫「遊玩劵」之類，一個價錢就可以玩幾個項目，咁樣會平過你逐次俾錢玩，我地就玩騎馬仔，對果時三歲幾瞳瞳嚟講係一個好特別的體驗。

多神氣，一點也不怯

連瞳瞳媽媽都一齊玩，呢度D馬好乖，有工作人員牽住馬仔行，所以唔駛驚，好安全，大朋友小朋友都玩得，行的範圍就係個沙圈踱步，幾個圈咁啦。

兩母女相遇合照

地方好大，空氣又好，真係好適合一家大細黎玩，我地行去放牧區果邊。初鹿牧場的園區面積約有72公頃，飼養了250頭乳牛。放眼望去，只見一片一望無際的綠油油牧草地，一隻隻黑白色乳牛在其間，風景優美，原來乳牛唔同新界牛，乳牛係好大隻架！

好大塊草地

再行過少少就係餵食區，與可愛的乳牛近距離接觸，這也是最受小朋友們喜愛的一項活動。而再細隻要飲奶的小牛，都有奶樽餵佢地，就好似小BB飲奶咁，好哥愛。瞳瞳就好忙啦，好多隻牛都搵佢。=)　記住果度既奶樽係餵牛，唔係比小朋友飲架～

奶樽係餵牛，唔係比小朋友飲架

戶外就主要餵羊、驢同大牛牛，大家可以親手拿著新鮮牧草餵佢地。

小小羊兒咩咩咩

瞳瞳好忙，佢要記住邊隻餵過，邊隻未餵

驢仔

在牧場裡，有間大商店，係賣「初鹿牧場」呢蹶品牌既不同產品，而商台對面位置有精品台同餐廳，當中餐廳一定要到，大家可以品嚐以100%新鮮生乳製成的鮮乳冰棒、冰淇淋、霜淇淋及煉乳等產品，真係要試下！好好味！唔易溶，奶味甚濃～

放心讓小朋友盡情玩，因為在香港真係無可能有咁大地方，比佢地多D接觸一下其他動物。防曬、防蚊措施要做足，其實玩的東西唔多，不過牧場地方好大，斜路上上落落，由一個區去一個區都要少少步行時間，停留玩兩小時半左右就差唔多了！

有用資料: 

1. 初鹿牧場

電話：089-571002

地址：台東縣卑南鄉明峰村28鄰牧場1號

營業時間：08：00 ~ 17：00

網頁：http://www.chuluranch.com.tw/

延伸閱讀：

[2014 不一樣的宜蘭、花蓮、台東、高雄7天自駕親子遊]Day 1 2之2 羅東戀館民宿、羅東夜市

http://tungbama.blogspot.hk/2017/07/2014-7day-1-22.html

[2014 不一樣的宜蘭、花蓮、台東、高雄7天自駕親子遊]Day 1 2之1 香港去台北(商務位)、宜蘭大湖風景遊樂區找<睡天使醒惡魔>台灣朋友

http://tungbama.blogspot.hk/2017/07/2014-7day-1-21.html

[2014 不一樣的宜蘭、花蓮、台東、高雄7天自駕親子遊]Day 2 2之1 崔記早點(宜蘭)、幾米廣場(宜蘭)、菓風工房(宜蘭)

http://tungbama.blogspot.hk/2017/07/2014-7day-2-21.html

[2014 不一樣的宜蘭、花蓮、台東、高雄7天自駕親子遊]Day 2 2之2 豆腐岬17 午餐(蘇澳)＞南方澳漁港(蘇澳)＞南方澳觀景台(蘇澳)＞花蓮自強夜市

http://tungbama.blogspot.hk/2017/07/2014-7day-2-22-17.html

[花蓮酒店推介][2014 不一樣的宜蘭、花蓮、台東、高雄7天自駕親子遊]270度無敵海景 - 海中天會館http://tungbama.blogspot.hk/2017/07/270.html

[2014 不一樣的宜蘭、花蓮、台東、高雄7天自駕親子遊]Day 3 花蓮遠雄海洋公園

http://tungbama.blogspot.hk/2017/07/2014-7day-3.html

[2014 不一樣的宜蘭、花蓮、台東、高雄7天自駕親子遊]Day 4 3之1 台灣靚米之鄉：池上鄉、尋找金城武的「伯朗大道」、食池上米「碗公餐」

http://tungbama.blogspot.hk/2017/07/2014-7day-4-31.html

[2014 不一樣的宜蘭、花蓮、台東、高雄7天自駕親子遊]Day 4 3之2 台東大草原：初鹿牧場，與動物零距離接觸

http://tungbama.blogspot.hk/2017/07/2014-7day-4-32.html

[台東太麻里鄉酒店推介][2014 不一樣的宜蘭、花蓮、台東、高雄7天自駕親子遊]Day 4 3之3 太麻里鄉金崙「一田屋溫泉」http://tungbama.blogspot.hk/2017/07/2014-7day-4-33.html

[2014 不一樣的宜蘭、花蓮、台東、高雄7天自駕親子遊]Day 5 大武山生態教育館 & 全台最美車站-「多良車站」

http://tungbama.blogspot.hk/2017/08/2014-7day-5.html


[2014 不一樣的宜蘭、花蓮、台東、高雄7天自駕親子遊]Day 6 高雄科工館 = 科學館的究極加強版，地震體驗不要錯過
http://tungbama.blogspot.com/2018/06/blog-post.html