【台灣、宜蘭、花蓮、台東、高雄】[花蓮酒店推介][2014 不一樣的宜蘭、花蓮、台東、高雄7天自駕親子遊]270度無敵海景 - 海中天會館

台灣東岸，一直以壯麗見稱，所以呢趟旅行，我覺得點都要返一間向海的酒店，而且又可以睇日出既，加上我地又係自駕遊，酒店幾遠都唔係問題，所以趁在花蓮住上兩個晚上，就揀了一間向海的住宿　－　海中天會館。

海中天會館其實佢係一間民宿，位於「花蓮縣壽豐鄉鹽寮村大橋36-10號」，大約係花蓮對出的一個山岬上，清靜得嚟又方便，如前文介紹的「花蓮東大門夜市」，車程僅15分鐘；到主題公園－「花蓮遠雄海洋公園」只係5分鐘車程咋！

海中天會館所在地前身係軍事設施，所以好多部分都係舊有的軍事設施改建，令到我地覺得佢更有特色。因為我地係自駕遊，所以係GPS輸入地方名稱，就出發啦！

海中天會館好有一種世外桃園既感覺，路口位置放了招牌，之後你就會進入一段似是而非的小路，路上會見到有軍事設施，大約駕車行多兩分鐘就到啦！

路邊真係有軍事設施

「海中天會館」到啦

我地停車後，就到櫃檯check in，雖說係「櫃檯」，其實也是餐廳的位置，民宿仲可以幫我地準備「花蓮遠雄海洋公園」的門劵，有少少折扣咁啦～我地順手就訂埋了(翌日去玩)。之後由佢地帶領我地去房間，我地預訂的係「海景兩人房」，途中要經過一片草地，向大海懸崖邊前進，原來我地房間就係懸崖之上，對住大海，連走廊也十足防空洞，好有軍事設施味道。

右手邊就係我地住的地方，算叫地底嘛？哈～

對住大海

長長的走廊盡頭就係我地房間～

哇！房間夠大，外面仲有一個小露台，對住太平洋，可以吹住海風欣賞「270度無敵海景」。朝早直情可以係床瞓住、嘆住冷氣睇日出！冷氣、電視、梳洗用品都一應俱全，沖涼有淋浴設備，整體總算乾淨企理。不過有幾點要留意：1. 始終係郊外地方，會有小昆蟲，如螞蟻仔走過；2. 外面好大浪，每晚都會有浪濤聲伴你入眠；3. 出入小心慢慢行，因為外面草坪位置無燈光。

露台

我好鐘意呢度的睇日出，對住一望無際的大海，睇住太陽由水平線中心升起，而你又唔駛太辛苦出去，只係舒舒服服留在房內慢慢睇，影相影個夠，想點就點，真係永世難忘！傍晚時分的景色也不容錯過。

房內睇日出

傍晚時分

早餐篇

早餐就豐富了，以為到了酒店，竟然有40多款的選擇。餐廳除了四方檯，你也可以選擇面向大海的Bar檯，向住大海食早餐，一樂也！花蓮當地出名的「公正包子店」的包點，據說是老闆娘早上特登揸車由外面買回來，另外西式的漢堡包也有供應，而且亦好細心為小朋友提供兒童餐具。

餐廳外觀

要到早餐時間才知道究竟有幾多住客入住，因為太多不同的客房了 XP

早餐的陣勢，好犀利啊！

花蓮出名的「公正包子店」的包，老闆娘早上特登買回來

台灣粥加上肉鬆好好味！

兒童餐具，好貼心

好好味！

四周環境及放天燈活動

我地食飽飽早餐，就在民宿四周散步行下，海中天會館地方好大，好多活動空間，對住一望無際的大海，聽住海浪聲，真係好享受架！民宿主人係度亦養左好多小動物，有如一個小型農場，對於小朋友嚟講係好開心的一個體驗。另外亦有小路通去石灘，但浪大，不建議大家行落去，遠看就好了。

左手邊係出名「高跟鞋」主題房，複式設計，大家下次可以來試試

見到羊咩咩

養了不少鴨、鵝～　香港小朋友少見（悲哀）

走甩鴨

小兔子

浪好大，要保持距離啊～

夜晚我地返到民宿，民宿主人好熱情邀請我地放天燈，準備好油筆、天燈，仲有水果同餅食招待，佢地係好好人。上一次放天燈係同瞳瞳媽媽係台北十分老街放天燈，係路，又係台灣，真係有緣份。我地寫上祝福語，瞳瞳又劃幾筆，也不忘為當時高雄氣爆事故影響的朋友打氣，我地由民宿職員協助，天燈順利飛上天，飛得好高好遠～～

西瓜、餅食給客人用

瞳瞳仲細，未識寫字，所以同黑點表達～

高雄加油

一件難忘的事：最後一天我地離開民宿，之後長車程要去池上、台東，當民宿主人有位老奶奶，就硬塞幾包餅食給瞳瞳，怕我地路途上會肚餓，令我地一家感覺好窩心、好感動呢～



有用資料: 

1. 海中天會館

地址：974 花蓮縣壽豐鄉鹽寮村大橋36-10號

電話：03-8671389／03-8671236

傳真：03-8671368

電郵：seasky671236@gmail.com

網頁：http://www.360seasky.com.tw

延伸閱讀：

[2014 不一樣的宜蘭、花蓮、台東、高雄7天自駕親子遊]Day 1 2之2 羅東戀館民宿、羅東夜市

http://tungbama.blogspot.hk/2017/07/2014-7day-1-22.html

[2014 不一樣的宜蘭、花蓮、台東、高雄7天自駕親子遊]Day 1 2之1 香港去台北(商務位)、宜蘭大湖風景遊樂區找<睡天使醒惡魔>台灣朋友

http://tungbama.blogspot.hk/2017/07/2014-7day-1-21.html

[2014 不一樣的宜蘭、花蓮、台東、高雄7天自駕親子遊]Day 2 2之1 崔記早點(宜蘭)、幾米廣場(宜蘭)、菓風工房(宜蘭)

http://tungbama.blogspot.hk/2017/07/2014-7day-2-21.html

[2014 不一樣的宜蘭、花蓮、台東、高雄7天自駕親子遊]Day 2 2之2 豆腐岬17 午餐(蘇澳)＞南方澳漁港(蘇澳)＞南方澳觀景台(蘇澳)＞花蓮自強夜市

http://tungbama.blogspot.hk/2017/07/2014-7day-2-22-17.html

[花蓮酒店推介][2014 不一樣的宜蘭、花蓮、台東、高雄7天自駕親子遊]270度無敵海景 - 海中天會館http://tungbama.blogspot.hk/2017/07/270.html

[2014 不一樣的宜蘭、花蓮、台東、高雄7天自駕親子遊]Day 3 花蓮遠雄海洋公園

http://tungbama.blogspot.hk/2017/07/2014-7day-3.html

[2014 不一樣的宜蘭、花蓮、台東、高雄7天自駕親子遊]Day 4 3之1 台灣靚米之鄉：池上鄉、尋找金城武的「伯朗大道」、食池上米「碗公餐」

http://tungbama.blogspot.hk/2017/07/2014-7day-4-31.html

[2014 不一樣的宜蘭、花蓮、台東、高雄7天自駕親子遊]Day 4 3之2 台東大草原：初鹿牧場，與動物零距離接觸

http://tungbama.blogspot.hk/2017/07/2014-7day-4-32.html

[台東太麻里鄉酒店推介][2014 不一樣的宜蘭、花蓮、台東、高雄7天自駕親子遊]Day 4 3之3 太麻里鄉金崙「一田屋溫泉」http://tungbama.blogspot.hk/2017/07/2014-7day-4-33.html

[2014 不一樣的宜蘭、花蓮、台東、高雄7天自駕親子遊]Day 5 大武山生態教育館 & 全台最美車站-「多良車站」

http://tungbama.blogspot.hk/2017/08/2014-7day-5.html


[2014 不一樣的宜蘭、花蓮、台東、高雄7天自駕親子遊]Day 6 高雄科工館 = 科學館的究極加強版，地震體驗不要錯過
http://tungbama.blogspot.com/2018/06/blog-post.html