如果大家去到台灣，食厭咗當地的夜市，個肚滯住滯住，都係時候食返一D健康的食物啦！今次我地去一間食物配搭colourful、自家製麵包、仲有手工優格食的健康素食店：活力泉源
離開民宿，走入宜蘭市區，想找間當地人都推薦的早餐店，於是上網做功課，搵呀搵。。。終於搵到呢間店舖：「活力泉源」。活力泉源位於宜蘭市民權新路296號，地方唔容易搵到架，好彩有包車司機Max替我地張羅到，而本身呢間小店都非常低調，門面撲實，要用心一點才可以留意到佢！
既然當地人的評價咁高，我地就一於去試下啦～
小店地方不大，擺了幾張檯，裝潢就十足一間咖啡店咁，但環境舒適，而且有熱情的老闆娘同店員搭夠。第一次來到，難免有點花多眼亂，於是我地就請老闆娘為我地發板。
活力泉源由果醬到麵包，都係自己一手一腳烹煮，出面一定食唔到呢種味道。所有蔬果都係當地有機種植，向農夫處直接取貨，務求新鮮、當造，才給客人享用。
因為所有麵包都係店家自家造，所以漢堡係必叫，店家亦加入不同元素，好似先來一個黑忟忟包包，瞳瞳話未見過，唔知係咩味道呢？其實個麵包加入咗竹炭，所以先會有呢個顏色。至於入面的材料非常新鮮，有蕃茄、生菜、青瓜同芝士蛋。
呢個麵包又有少少唔同，佢有淡淡的紫色，估唔估到加入咗咩材料呢？就係而家好流行的「蝶豆花」！今次餡料仲加入咗薯仔沙律，口感更豐富！每個漢堡都好大件頭架，一定要用刀叉先容易食。
之後就係佢既手工優格，我地點了兩款，配上不同時令水果、堅果、燕麥、巢蜜做配搭，而且店家非常有心思，用好似咖啡拉花的方法，為優格點綴～
唔好睇少果一小角的燕麥，非常好味！食之前把所有材料搞勻，優格味道同平時係超級市場買到的非常唔同，呢度食的好味好多。
最後來一個生果沙律併盤，旁邊的麵包橙橙的，原來是加入了辣椒香料，味道有一點點辣，但不會嗆口，會上癮的，蔬果有：生菜、火龍果、蕃茄、節瓜、鳳梨、蘋果等等。
最後我地點一個綜合莓果汁同伯爵奶茶。
綜合莓果汁由藍莓、黑莓、覆盆子、小紅莓等幾種莓所組成，非常合瞳瞳口味，小朋友最喜愛。伯爵奶茶跟香港的奶茶不同，這邊茶味更似英國紅茶，上面灑上檸檬皮，外觀更美麗，不用加糖，好飲！
呢度的擺盤非常Colorful，其實不就是我地人體每天攝取的健康食物顏色嗎？在香港，健康素食店比較少，不過在台灣就大行其道，所以來到宜蘭，一定要來試試！
有用資料:
以下係我地2018年夏天去台灣宜蘭六天行程，歡迎大家參考😁😁😁😁
第一天 香港飛台北
住宿：台北車站附近、罕有附設浴缸的酒店 - 蜂巢Bee House
第二天
大人小孩一齊化身藝術家，莎貝莉娜精靈印畫學院
親身落池塘同囡囡玩，蓮花造的雪糕食過未？御品蓮休閒農莊
住宿：180無敵太平洋海景民宿，看海．聽浪～窩在懶洋洋
第三天
好玩又環保～小河生活獨木舟，冬山河划船體驗
進入一個「畫」與「畫框」的世界～畫框博物館
有得食有得玩，天氣瓶x噴砂玻璃杯x紙飛機發射器，大風吹手作輕食館
住宿及晚餐：在阡陌之中住宿、享受當地私房食材～傳藝渡假會館
第四天
白米木屐館，體驗穿木屐之旅
擁有大大草地、玩水池的宜蘭親子餐廳～玩的瘋Wonderful親子廚房
住宿：飛天小火車出發啦！米妞的假期～
第五天
玩盡台灣，包車首選～小宋-台灣輕鬆趣&親子旅遊包車團隊
早餐：自家製麵包、手工優格健康素食店「活力泉源」
全世界第一間指尖陀螺主題館～陀陀螺TOTOLO
住宿：多肉植物體驗＋泰國式Villa泳池民宿～惠欣綠花園
大過手掌的JUICY雞扒～宜蘭名醬堂醬燒雞扒
第六天
生鬼有趣、大人細路DIY茶香冰淇淋～星源茶園
